fbpx

یاسین ملک کو سزا، بھارتی ناظم الامور کی دفترخارجہ طلبی،وزیرخارجہ بلاول بھی متحرک

یاسین ملک کو سزا، بھارتی ناظم الامور کی دفترخارجہ طلبی،وزیرخارجہ بلاول بھی متحرک

ترجمان دفتر خارجہ کا کہنا ہے کہ یاسین ملک کو جعلی کیس میں سزا سنائی گئی،

ترجمان دفترخارجہ کا کہنا تھا کہ حریت رہنما یاسین ملک کی سزا کی شدید مذمت کرتے ہیں،یاسین ملک کی سزا کیخلاف احتجاج کیلئے بھارتی ناظم الامور کو دفتر خارجہ طلب کیا، بھارتی ناظم الامور کو پاکستان نے شدید احتجاج ریکارڈ کرایا،وزیرخارجہ نے اقوام متحدہ انسانی حقوق کمشنر، او آئی سی سیکرٹری جنرل کو خطوط لکھے،مراسلے میں مقبوضہ کشمیرمیں انسانی حقوق کی ابترصورتحال سے آگاہ کیا گیا، یاسین ملک کو جعلی اور مشکوک کیس کے ذریعے سزا سنائی،

قبل ازیں صدر آزاد جموں وکشمیر بیرسٹر سلطان نے حریت رہنماء یاسین ملک کو بھارتی عدالت کی طرف سے جعلی مقدمات میں عمر قید کی سزا کی بھرپور مذمت کرتے ہوئے فوری طور پر اقوام متحدہ کے سیکرٹری جنرل کو اپنی جانب سے ایک خط لکھ دیا

جس میں صدر ریاست آزاد جموں وکشمیر بیرسٹر سلطان محمود چوہدری نے اقوام متحدہ کی توجہ مقبوضہ کشمیر میں جاری انسانی حقوق کی پامالی بالخصوص حال ہی میں حریت رہنماء یاسین ملک کو بھارتی عدالت کی طرف سے جعلی مقدمات میں دی جانے والی غیر منصفانہ عمر قید کی سزا پر مبذول کرائی ہے۔ صدر کی طرف سے اقوام متحدہ کے سیکرٹری جنرل کے نام اس مکتوب میں کہا گیا ہے کہ یاسین ملک کو مسئلہ کشمیر کے حل اور کشمیر کی آزادی کے لئے کوششوں پر سزا وار ٹھہرایا گیا ہے جبکہ یاسین ملک پوری دنیا میں آزادی کی علامت، جبر کے خلاف مزاحمت اور امن کی علامت کے طور پر جانے جاتے ہیں۔بھارتی سرکار نے یاسین ملک کوعمر قید کی سزا دے کر کشمیری نوجوانوں کو یہ پیغام دیا ہے کہ اُن کی آزادی کی جدوجہد کے لئے کوئی سیاسی اور عدم تشدد کی فضا موجود نہیں ہے۔ یاسین ملک کو یہ عمر قید کی سزا بھارت کی روایتی سوچ کی غمازی کرتی ہے جس کے تحت وہ مقبوضہ کشمیر میں کشمیری عوام کے جذبہ حریت کو دبانا چاہتا ہے۔

بھارت نے مقبوضہ کشمیر میں جہاں آبادی کا تناسب تبدیل کرنے کے لئے غیر ریاستی ہندوؤں کو جعلی ڈومیسائل جاری کیے ہیں وہاں پر مقبوضہ کشمیر کی حلقہ بندیاں بھی تبدیل کی ہیں جس سے بھارت مقبوضہ کشمیر میں اپنی مرضی کا وزیر اعلیٰ لانا چاہتا ہے۔ صدر ریاست آزاد جموں وکشمیر بیرسٹر سلطان محمود چوہدری نے اقوام متحدہ کے سیکرٹری جنرل سے اپیل کی کہ اقوام متحدہ حریت رہنماء یاسین ملک کی رہائی کے لئے فوری اقدامات اُٹھائے اور انڈیا کو یہ باور کرایا جائے کہ مقبوضہ جموں وکشمیرعالمی سطح پر تسلیم شدہ متنازعہ علاقہ ہے لہذا وہاں پر فوری طور پر انسانی حقوق کی پامالیاں بندکی جائیں اوراسی طرح اقوام متحدہ بھارت پرزور دے کہ پاکستان سے مسئلہ کشمیر کے پائیدار اور پرامن حل کے لئے مذاکرات کرے اور کشمیری عوام کواقوام متحدہ کی قراردادوں کے مطابق اُن کا حق خودارادیت دیا جائے تاکہ کشمیری عوام اپنی مرضی ومنشاء کے مطابق اپنے مستقبل کا فیصلہ کر سکیں۔ صدر ریاست آزاد جموں وکشمیر بیرسٹر سلطان محمود چوہدری کی طرف سے اقوام متحدہ کے سیکرٹری جنرل کے علاوہ اقوام متحدہ کے کمیشن برائے انسانی حقوق، یورپی یونین کے صدر، یورپی پارلیمنٹ کے صدر، یورپی پارلیمنٹ کی خارجہ امور کمیٹی کے چیئرمین سمیت دیگر یورپی پارلیمان اور عالمی انسانی حقوق کی تنظیموں کو بھی یاسین ملک کی رہائی کے سلسلے میں خطوط لکھے گے ہیں اور مقبوضہ کشمیر میں بھارت کی طرف سے جاری انسانی حقوق پامالی کی جانب دنیا کی توجہ مبذول کرائی گئی ہے۔

قبل ازیں مقبوضہ کشمیر کے علاقے سری نگر میں یاسین ملک کے گھر کے باہر مودی سرکار کے خلاف احتجاج کرنے والے کشمیریوں کو پولیس نے گرفتار کر لیا، پولیس نے ایک درجن کے قریب کشمیری نوجوانوں کو گرفتار کیا جو یاسین ملک کی سزا کے خلاف احتجاج کر رہے تھے اور انہوں نے بھارت و مودی سرکار کے خلاف نعرے لگائے، پولیس کا کہنا ہے کہ ان نوجوانوں کے خلاف غداری کا مقدمہ درج کیا جائے گا

یاسین ملک کیلئے دنیا کے ہر فورم پر خود جاو ں گا

جو سزا دینی ہے دے دیں،کوئی بھیک نہیں مانگوں گا، یاسین ملک کا عدالت سے مکالمہ

آسیہ اندرابی کو علاج کی سہولیات نہ ملنے پر مشعال ملک کا بڑا مطالبہ

مودی مسلمانوں کا قاتل، کشمیر حق خودارادیت کے منتظر ہیں، صدر مملکت

شوپیاں انکاؤنٹر،شہید نوجوانوں کے والدین کا بھارتی فوجی اہلکاروں کو سزائے موت دینے کا مطالبہ

کشمیریوں سے یکجہتی، وزیراعظم کی کال پر قوم لبیک کہنے کو تیار

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

یکجہتی کشمیر، قومی اسمبلی میں کشمیر کا پرچم لہرا دیا گیا،علی امین گنڈا پور نے کیا اہم اعلان

یاسین ملک کوجعلی مقدمے میں ملوث کرنے کے اقدام کی وزیراعظم نے کی مذمت

حریت رہنما یاسین ملک کی اہلیہ مشعال ملک کا کہنا ہے کہ وہ نامور رہنما بھارتیوں کے سامنے یاسین ملک کی زندگی کی بھیک نہیں مانگیں گے اور نہ ہی ہتھیار ڈالیں گے۔

حریت رہنما یاسین ملک کو سزا، ترجمان پاک فوج کا رد عمل آ گیا