یاسر حسین کی نوشین شاہ کو تنبیہہ

0
27
یاسر-حسین-کی-نوشین-شاہ-کو-تنبیہہ #Baaghi

اداکاریاسر حسین اور نوشین شاہ کئی ماہ سے ایک دوسرے کے خلاف بیان بازی کر رہے ہیں اور یہ سلسلہ ابھی تک جاری ہے-

باغی ٹی وی : اداکار یاسر حسین نے اداکارہ نوشین شاہ کو تنبیہ کی ہے کہ اب اگر انہوں نے پھر سے ان کی شادی میں بن بلائے شرکت کے معاملے پر بات کی تو وہ اداکارہ کے خلاف ثبوت سامنے لے آئیں گے۔

یاسر حسین شاہ نے انسٹاگرام اسٹوریز میں نوشین شاہ کے انٹرویو کی خبر کا اسکرین شاٹ شیئر کرتے ہوئے لکھا کہ ان کی شادی کو دو سال ہوچکے مگر خاتون ابھی تک اسی معاملے پر لٹکی ہوئی ہیں-

اداکار نے لکھا کہ 2019 میں بھی انہوں نے زبردستی دعوت حاصل کرکے شادی میں شرکت کی اور مہمانوں سمیت ان کے اہل خانہ کو بھی تنگ کیا اور آج دو سال بعد بھی اسی چیز کو ’کیش‘ کر رہی ہیں؟

ایسی کوئی اداکارہ نہیں جو مجھے فیشن میں ٹکر دے سکے نوشین شاہ

آخر میں یاسر حسین نے نوشین شاہ سے سوال کیا کہ آخر انہیں ان کی شادی سے کیا مسئلہ ہے جو دو سال سے ختم ہی نہیں ہو رہا؟

واضح رہے کہ نوشین شاہ نے چند دن قبل انٹرویو میں پوچھے گئے سوال پر طنزیہ انداز میں جواب دیا تھا کہ وہ مشہور شخصیات کی شادیوں میں بن بلائے شرکت کرتی ہیں ان کی بات کا اشارہ یاسر حسین کی جانب تھا مگر انہوں نے اداکار کا نام نہیں لیا تھا۔

ساتھ ہی نوشین شاہ نے دعویٰ کیا تھا کہ وہ واحد خاتون نہیں ہیں جن کے اوپر اداکار نے الزام لگایا ہے۔

سابق ماڈل و اداکارہ آمنہ شیخ کے ہاں بیٹے کی پیدائش

خیال رہے کہ فروری میں یاسر حسین نے ایک انٹرویو میں انکشاف کیا تھا کہ نوشین شاہ ان کی شادی میں بن بلائے آگئی تھیں اور وہاں پر انہوں نے مہمانوں کو بھی تنگ کیا تھا جس پر کئی عرصے تک دونوں اداکاروں میں سخت جملوں کا تبادلہ ہوتا رہا، اور سوشل میڈیا صارفین بھی اس پر اپنی رائے دیتے نظر آئے۔

Leave a reply