یزمان: پٹرولنگ پولیس نے کھوتے کا گوشت پکڑلیا،ملزم گرفتار،ہوٹلوں کے نام بھی آگئے

اوچ شریف (باغی ٹی وی نامہ نگارحبیب خان )ضلع بہاولپورکی تحصیل یزمان میں پٹرولنگ پولیس نے کھوتے کے گوشت سپلائی کی کوشش ناکام بنادی،ملزم گرفتار
تفصیل کے مطابق یزمان منڈی کے علاقے کڈ والا میں پولیس نے حرام گوشت کی اسمگلنگ کی ایک بڑی کوشش ناکام بنا دی ہے۔ پٹرولنگ پولیس کو خفیہ اطلاع ملی تھی کہ مروٹ سے یزمان منڈی کھوتے کا گوشت سمگل کیا جا رہا ہے۔ اس اطلاع پر فوری کارروائی کرتے ہوئے پولیس نے کڈ والا کے قریب ایک ناکہ بندی کی اور ایک مشکوک گاڑی کو روک کر تلاشی لی۔

تلاشی کے دوران گاڑی سے بھاری مقدار میں کھوتے کا گوشت برآمد ہوا۔ پولیس نے گاڑی سوار کو حراست میں لے لیا اور گوشت سے بھری گاڑی کو بھی اپنی تحویل میں لے لیا۔ملزم نے مختلف ہوٹلوں کو گوشت سپلائی کا انکشاف کیا ہے اس کے علاوہ پولیس مزید تحقیقات کر رہی ہے۔