یہ وقت کسی کا مذاق اڑانے کا نہیں؛ اداکارہ میرا

پاکستانی معروف اداکارہ میرا نے گزشتہ دنوں ایک ویڈیو جاری کی تھی جس میں انہوں نے بتایا تھا کہ وہ کورونا وائرس کے باعث لگے لاک ڈاؤن کی وجہ سے نیویارک میں پھنس گئی ہیں اور انہوں نے وزیر اعظم عمران خان سے وطن واپس لانے کی اپیل کی تھی

سوشل میڈیا پر اداکارہ کی یہ ویڈیو وائرل ہونے کے بعد ان پر جھوٹ بولنے کا الزام عائد کردیا گیا تھا کہ میرا نیویارک میں اپنے سسرال میں خیریت سے موجود ہیں اور انہوں نے صرف ڈرامہ کرنے کے لیے یہ ویڈیو بنائی اب ان کی ایک اور ویڈیو انسٹا گرام پر شئیر کی جس میں انہوں نے پیغام دیا کہ کچھ لوگوں نے میری گزشتہ ویڈیو کو ایسے برے وقت میں نیا رنگ دینے کی کوشش کی اور مذاق بنایا جو قطعاً مناسب نہیں


اپنے ویڈیو پیغام میں انہوں نے کہا کہ نیو یارک میں پاکستانی سفارتخانہ میرے حالات سے آگاہ ہے اور ان کے تعاون پر میں قونصل جرنل عائشہ علی کی مشکور ہوں

میرا نے کہا کہ خدایا یہ وقت کسی کا مذاق اڑانے یا جذبات سے کھیلنے کا نہیں کل بھی نیویارک میں 500 سے زائد افراد کو کورونا وائرس نگل گیا جس سے میں شدید خوفزدہ ہوں

انہوں نے مداحوں سے درخواست کی کہ وہ ان کے وطن واپس آنے کی دعا کریں تاکہ وہ بھی امدادی کاموں میں بڑھ چڑھ کر حصہ لے سکیں

میرا کی وزیر اعظم سے مدد کی درخواست ڈرامہ نکلی

جواب چھوڑیں

آپ کا ای میل ایڈریس شائع نہیں کیا جائے گا.