یوم مزدور، وزیراعلیٰ پنجاب نے مزدوروں کے دل جیت لئے

باغی ٹی وی کی رپورٹ کے مطابق وزیراعلیٰ پنجاب سردار عثمان بزدار کا یوم مئی پر محنت کشوں کو ریلیف دینے کیلئے بڑا اقدام سامنے آیا ہے

وزیراعلیٰ عثمان بز دار نے ورکرز کی کم از کم اجرت20ہزار روپے کرنے کا اعلان کیا ہے، اور کہا ہے کہ محنت کش کی فلاح وبہبود سب سے زیادہ مقدم ہے۔ پنجاب واحد صوبہ ہے جہاں ورکرز کی کم از کم اجرت20ہزار روپے کرنے کی منظوری دی ہے۔ تحریک انصاف کی حکومت نے 3برس میں ورکرز کی کم از کم اجرت میں پانچ ہزار روپے کا اضافہ کیا ہے۔سابق دور میں ورکرز کی فلاح وبہبود پر کوئی توجہ نہیں دی گئی۔ماضی کی حکومت نے محنت کشوں کو ریلیف دینے کیلئے کوئی ٹھوس اقدام نہیں اٹھایا۔سابق حکمرانوں نے5 سالہ دور میں ورکرز کی کم از کم اجرت میں صرف تین ہزار روپے کا اضافہ کیا۔ہماری حکومت ورکرز کی کم از کم اجرت میں آئندہ بھی اضافہ کرے گی۔

وزیراعلیٰ پنجاب عثمان بزدار کا کہنا تھا کہ وزیراعظم عمران خان کی قیادت میں فرسودہ نظام ختم کر کے آن لائن لیبر انسپکشن کا نفاذ کیا گیا ہے۔ سوشل سکیورٹی کنٹری بیوشن کی شفاف اور با سہولت ادائیگی کیلئے ”سیلف اسسمنٹ سکیم“ کا اجراء کیا گیا ہے۔سوشل سکیورٹی ہسپتالوں میں عوام کیلئے مفت ایمرجنسی طبی سہولیات کی فراہمی یقینی بنائی گئی ہے۔سوشل سکیورٹی انسپکشن 20 فیصد تک محدود کی گئی ہے۔ورکرز کیلئے میرج گرانٹ ایک لاکھ سے بڑھا کر2 لاکھ جبکہ ڈیتھ گرانٹ 5 لاکھ سے بڑھا کر6 لاکھ کردی گئی ہے۔محنت کشوں کے بچوں کیلئے تعلیمی وظائف کا آن لائن اورشفاف نظام متعارف کرایا گیا ہے۔آ ن لائن انسپکشن سسٹم کے تحت سوشل سیکورٹی اور ٹیلنٹ سکالر شپ درخواستیں گھر بیٹھے دائر کی جا سکتی ہیں -لاہور، ننکانہ صاحب اور ملتان کی لیبر کالونیوں میں محنت کشوں کوفلیٹس الاٹ کر دیئے گئے ہیں۔لیبر ہاؤسنگ کالونی ملتان میں 992فلیٹس کی شفاف الاٹمنٹ کی گئی ہے۔

وزیراعلی پنجاب عثمان بزدار کا مزید کہنا تھا کہ پنجاب ورکر ویلفیئر فنڈ کے تحت ہزاروں بچوں کیلئے مفت تعلیم کے علاوہ سوا 7 ارب روپے کے ٹیلنٹ سکالر شپ، میرج گرانٹ اور ڈیتھ گرانٹ ہماری حکومت کی مزدور دوستی کا منہ بولتا ثبوت ہے -تحریک انصاف کی حکومت محنت کش طبقے کی فلاح و بہبود کے لئے مزید تاریخ ساز اقدامات جاری رکھے گی۔

کرونا سے نہیں،مزدور بھوک کی وجہ سے موت کے منہ میں جا رہے ہیں، سراج الحق

مزدوروں کے لئے حکومت کیا کر رہی ہے؟ وزیراعظم نے مزدور ڈے پرپیغام جاری کر دیا

مزدور ڈے پر حکومت مزدور کو کیا ریلیف دے سکتی تھی؟ شہباز شریف میدان میں آ گئے

یوم مزدور،حکومت مزدوروں کیلیے کیا کر رہی ہے؟ وزیراعظم نے بتا دیا

وزیراعلیٰ پنجاب سردار عثمان بزدار کی زیرصدارت اجلاس ہوا، جس میں سیکرٹری محنت نے ورکرز کی فلاح وبہبود کیلئے کیے گئے اقدامات کے بارے میں بریفنگ دی ،وزیر محنت انصر مجید نیازی،پرنسپل سیکرٹری وزیراعلیٰ،سیکرٹری محنت،سیکرٹری اطلاعات اورمتعلقہ حکام نے اجلاس میں شرکت کی

سلیکٹڈ حکومت ملک کے محنت کش طبقے کے لئے تباہی ثابت ہوئی،بلاول کا دعویٰ