مصری اداکار یوسف الشریف کا کورونا وائرس پر فلم بنانے کا اعلان

مصر کی فلم انڈسٹری نے عالمی وبا کورونا وائرس پر ’كوويڈ- 25‘ نامی فلم بنانے کا اعلان کیا ہے۔

باغی ٹی وی : غیر ملکی میڈیا رپورٹس ‌کے مطابق مصری اداکار یوسف الشریف نے اعلان کیا ہے کہ وہ عالمی وبا کورونا وائرس پر ’كوويڈ- 25‘ نامی نئی فلم کی شوٹنگ شروع کررہے ہیں جو عالمی وبا کے دوران پیش آنے والے حالات و واقعات پر مبنی ہے۔

رپورٹ میں بتایا گیا ہے کہ مذکورہ فلم کا اسکرپٹ مصنفہ انجی علا نے لکھا ہے جبکہ پرڈوکشن احمد نادر جلال کررہے ہیں۔ یہ فلم آئندہ ماہ صیام پر ریلیز کی جائے گی۔

فلم کی پروڈکشن کے لیے ‘سیزجی’ کمپنی کی خدمات حاصل کی جائیں گی۔

فلم کے بارے میں زیادہ کچھ تو منظر عام پر نہیں آیا ہے تاہم فلم کا پوسٹر جاری کر دیا گیا ہے جس میں تین لوگوں کو جسم پرحفاظتی لباس پہنے دیکھا جاسکتا ہے۔