fbpx

اسپورٹس جرنلسٹ زینب عباس نے حاملہ ہونے کی تصدیق کر دی

اسپورٹس جرنلسٹ زینب عباس نے اپنی پریگنینسی کا اعلان کر دیا-

باغی ٹی وی : زینب عباس دنیائے کرکٹ میں اب ایک جانا پہچانا نام ہیں۔ بہت کم وقت میں ہی انھوں نے کرکٹ میچز کی کمنٹری اور کھلاڑیوں کی کارکردگی پر تبصروں سے مردوں کا کھیل سمجھے جانے والے میدان میں اپنے لیے نمایاں جگہ بنائی ہے۔

زینب عباس کی چند تصاویر سوشل میڈیا پر گردش کر رہی ہیں جن میں انہوں نے اپنی پریگنیسنی کی تصدیق کی ہے-

واضح رہے کہ معروف زینب عباس نے اپنی پیشہ وارانہ زندگی کا آغاز اسپورٹس نیوز اینکر کی حیثیت سے کیا تھا زینب عباس نومیبر 2109 میں شادی کے بندھن میں بندھیں تھیں زینب عباس کا نکاح نامور کرکٹر عبدالحفیظ کاردر کے صاحبزادے حمزہ کے ساتھ ہوا تھا انسٹاگرام اکاؤنٹ پر شادی کی تصاویرشیئر کیں تھیں اور مداحوں کو اپنے جوڑے سے لے کر میک اپ تک تمام تر تفصیلات سے بھی آگاہ کیا تھا-

زینب عباس نے نکاح کے موقع پر اپنی والدہ کی روایتی جیولری پہنی تھی جس میں وہ نہایت ہی خوبصورت نظر آرہی تھیں تاہم انہوں نے اپنی شادی میں انٹری منفرد انداز میں دی تھی زینب عباس دلہن بننے کے باوجود بھی کرکٹ کی دنیا سے دور نہ رہ سکیں اور انہوں نے ازدواجی زندگی کا آغاز بلا ہاتھ میں لے کر کیا تھا اُن کی انٹری کے وقت کوئی پس منظر میں کوئی رومانوی گانا نہیں بلکہ پی ایس ایل کا ہی ترانہ بج رہا تھا۔

زینب عباس کے ساتھ اُن کے رشتے داروں نے ہاتھوں میں کرکٹ بیٹ اٹھا رکھے تھے جبکہ دلہن کے ہاتھ میں بھی بیٹ تھا، اسٹیج پر آنے سے پہلے رشتے داروں نے انہیں کرکٹرز کی طرح سلامی دی اور پھر زینب نے پنڈال میں ایک بال بھی کھیلی۔

خیال رہے کہ زینب عباس کھیلوں اور بالخصوص کرکٹ ٹورنامنٹ کو کورر کرتی ہیں انہوں نے مختصر عرصے میں اپنی صلاحیتوں کی بنیاد پر بین الاقوامی میڈیا تک رسائی حاصل کی اور ورلڈ کپ میں بھی ذمہ داریاں انجام دیں-

Facebook Notice for EU! You need to login to view and post FB Comments!