کشمیری اداکارہ زائرہ وسیم کے بالی وڈ چھوڑنے کے فیصلہ کا احترام کرتے ہیں، عمر عبداللہ، شاہ فیصل

مقبوضہ کشمیر میں نیشنل کانفرنس کے نائب صدر عمر عبداللہ اور جموں کشمیر پیپلز موومنٹ کے صدر شاہ فیصل نے کہا کہ ہمیں کشمیری اداکارہ زائرہ وسیم کی طرف سے فلم انڈسٹری چھوڑنے کے فیصلے کا احترام کرنا چاہیے۔

باغی ٹی وی کی رپورٹ کے مطابق سابق کٹھ پتلی وزیر اعلیٰ عمر عبداللہ نے زائرہ وسیم کے فیصلے پر اپنا ردعمل ظاہر کرتے ہوئے ٹویٹ کی اور کہا ہے کہ ہم کون ہوتے ہیں زائرہ وسیم کے فیصلے پر سوال اٹھانے والے؟ ان کی اپنی زندگی ہے، انہیں جو اچھا لگا انہوں نے وہی کیا۔ میں زائرہ وسیم کے لئے دعاگو ہوں اور امید کرتا ہوں کہ وہ مستقبل میں جو بھی کام کریں گی وہ اس سے خوش ہوں گی۔

رپورٹ کے مطابق پیپلز موومنٹ کے صدر اور سابق آئی اے ایس افسر شاہ فیصل نے اپنے ایک ٹویٹ میں لکھاہے کہ میں نے ہمیشہ زائرہ وسیم کے اداکارہ ہونے کے فیصلے کا احترام کیا۔ مجھے لگتا ہے کہ اتنی کم عمر میں کسی دوسرے کشمیری نے اتنی کامیابی اور شہرت حاصل نہیں کی تھی۔ آج جب اس نے بالی ووڈ کو الوداع کہا، اس فیصلے کا احترام کرنے کے سوا میرے پاس کوئی دوسرا آپشن نہیں ہے۔ میری دعا ہے کہ وہ خوب ترقی کریں۔

زکشمیواضح رہے کہ اٹھارہ سالہ زائرہ وسیم جنہوں نے اپنے مختصر فلمی کیریئر کے دوران تین بالی وڈ فلموں دنگل، سیکرٹ سوپر سٹار اور دی سکائی از پنک میں اپنی اداکاری کے جوہر دکھائے ہیں، نے بالی وڈ چھوڑنے کا اعلان کیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.