نارکوٹکس کنٹرول بیورو کی آریان خان کی درخواست ضمانت کی مخالفت

0
64

بالی ووڈ شاہ رخ خان کے بیٹے آریان خان کی درخواستِ ضمانت پر آج ممبئی ہائی کورٹ میں سماعت شروع ہو گئی ہے

بھارت کے سابق اٹارنی جنرل موکل روہتگی بھی ممبئی ہائیکورٹ پہنچ چکے ہیں، وہ بھارتی اداکار شاہ رخ خان کے بیٹے آریان خان کی درخواست ضمانت پرعدالت میں دلائل دیں گے، وہ ستیش مان شندے اور سینئر امت دیسائی کے ساتھ لیڈ کونسل ہیں آریان خان کے وکیل نے ممبئی ہائی کورٹ میں جوابی حلف نامہ داخل کرادیا، نارکوٹکس کنٹرول بیورو نے آریان خان کی درخواست ضمانت کی مخالفت کی اور کہا کہ حقائق جاننے کے لیے مزید وقت درکار ہے ضمانت دی تو آریان تفتیش اورگواہان پراثرانداز ہو سکتے ہیں

این سی بی کی جانب سے جمع کروائے گئے جواب میں کہا گیا ہے کہ منشیات کیس کی تحقیقات میں اس کا بین الاقوامی تعلق سامنے آیا ہے، اس کی چھان بین کی جارہی ہے اور پروٹوکول کے مطابق اس کو منظر عام پر لانے کیلئے وقت درکار ہو گا۔ا آریان خان کی ضمانت پر گواہاں کے ساتھ چھیڑ چھاڑ اور ملک سے فرار ہونے کے خدشے کو رد نہیں کیا جا سکتا ۔این سی بی کا کہناتھا کہ آریان خان کو اس بڑی سازش سے الگ کرنا ممکن نہیں ہے کیونکہ منشیات نیٹ ورک کے خلاف تحقیقات جاری ہیں ۔

سیشن کورٹ ممبئی نے کروز شپ ڈرگ کیس میں آریان خان کی درخواست مسترد کی تھی نارکوٹکس کنٹرول بیورونے 2 اکتوبر کو ممبئی میں کروز شپ پر چھاپہ مار اتھا نارکوٹکس کنٹرول بیورونے شاہ رخ کے بیٹے سمیت 8 افراد کو گرفتار کیا تھا ممبئی کی عدالت کی جانب سے آریان خان کی درخواستِ ضمانت چار بار مسترد کی گئی تھی اور اسی وجہ سے اُن کے وکیل نے ممبئی ہائی کورٹ سے رجوع کیا۔

اب جیسے ہی آریان خان کی ضمانت کی درخواست منگل کو ہائی کورٹ میں آئی ہے، ان کے والدین شاہ رخ اور گوری سخت دعائیں کر رہے ہیں آج انہیں امید ہے کہ انکا بیٹا گھر جائے گا ،

آریان خان منشیات کیس:این سی بی تفتیش کاروں کی شاہ رخ خان سے کروڑوں روپے رشوت طلب

خیال رہے کہ آریان خان منشیات کیس میں 8 اکتوبر سے آرتھرروڈ جیل میں قید ہیں بھارت کے انسدادِ منشیات ادارے نارکوٹکس کنٹرول بیورو (این سی بی) کی جانب سے ممبئی کے ساحل پر 3 اکتوبر کو ایک کروز شپ پر پارٹی کے دوران چھاپہ مار کر شاہ رخ خان کے بیٹے آریان خان کو دوستوں سمیت گرفتار کیا گیا تھا۔

گوری خان بیٹے سے ملنے آرتھر روڈ جیل پہنچ گئیں

نارکوٹکس کنٹرول بیورو (این سی بی) نے ممبئی کروز شِپ منشیات کیس میں آریان خان کی اپنی آنے والی فلم کی ساتھی اداکارہ کے ساتھ منشیات کے حوالے سے کی جانے والی واٹس ایپ چیٹ بھی عدالت میں پیش کی تھیں واٹس ایپ چیٹس سے ظاہر ہو رہا تھا کہ آریان خان اور اداکارہ کے درمیان منشیات کے بارے میں بات چیت ہوئی تھی-

ہائیکورٹ میں آریان کی اننیا کے ساتھ واٹس ایپ چیٹ سے متعلق وضاحت

نارکوٹکس کنٹرول بیورو منشیات کیس میں اداکار شاہ رخ خان کے بیٹے آریان خان سمیت تمام گرفتار ملزمان کے مالی لین دین کی بھی تحقیقات کر رہی ہے ۔ اس کے لئے ملزموں کے موبائل فون، لیپ ٹاپ اور دیگر الیکٹرانک آلات سے ڈیلیٹ کئے گئے پیغامات اور واٹس اپ چیٹ کو نکالا جا رہا ہے تا کہ تحقیقات میں کچھ نیا سامنے آ سکے،نارکوٹکس کنٹرول بیورو کا یہ بھی کہنا ہے کہ 26 اکتوبر کو ممبئی ہائیکورٹ میں آریان خان کی ضمانت کی مخالفت کی جائے گی-

Leave a reply