لاہور ہائی کورٹ نے ضمنی الیکشن میں حکومت کی مبینہ مداخلت روکنے کے لیے یاسمین راشد کی درخواست نمٹا دی، عدالت نے درخواست گزار کو الیکشن کمیشن سے رجوع کرنے کی ہدایت کی۔جسٹس شاہد جمیل نے تحریک انصاف کی رہنما یاسمین راشد کی درخواست پر سماعت کی۔

شیخ رشید کو ہراساں کرنے سے روک دیا گیا

یاسمین راشد کی درخواست میں دعویٰ کیا گیا کہ حکومت سپریم کورٹ کے حکم کے باوجود الیکشن میں مداخلت کر رہی ہے۔ فاضل جج نے درخواست گزار کو الیکشن کمیشن سے رجوع کرنے کی ہدایت کی، جس پر یاسمین راشد کے وکیل احمد اویس نے کہا کہ الیکشن کمیشن کے پاس تبادلوں سے متعلق درخواست بھی التوا میں ہے لیکن الیکشن کمیشن نے فیصلہ نہیں کیا۔

سوشل میڈیا پر کردار کشی کرنے والوں کیخلاف کاروائی کا فیصلہ

فاضل جج نے درخواست نمٹاتے ہوئے قرار دیا کہ اگر یاسمین راشد کی ضمنی الیکشن سے متعلق کوئی درخواست زیر التوا ہے تو الیکشن کمیشن اس کا فیصلہ کرے۔

ضمنی الیکشن، انتخابی مہم کا آج آخری دن،لاہور، بھکراورملتان میں رینجرز تعینات کرنے کا فیصلہ

دوسری جانب ترجمان الیکشن کمیشن کا کہنا ہے کہ اپنے آئینی کردار کے لیے کسی کو جوابدہ نہیں، الیکشن کمیشن انتخابات کو شفاف بنانے کے لیے پوری طرح سرگرم ہے۔لیکشن کمیشن کے ترجمان نے چیئرمین پی ٹی آئی کی تقریر پر رد عمل دیتے ہوئے کہا ہے کہ الیکشن کمیشن سیاسی جماعت نہیں۔انہوں نے بتایا کہ چیف الیکشن کمشنر انتخابات کے انعقاد میں مصروف رہتے ہیں۔

چیف الیکشن کمشنر نے چیف سیکرٹری، آئی جی پنجاب اور متعلقہ اداروں کوحکم جاری کرتے ہوئے کہا ہےکہ پنجاب میں ضمنی انتخابات کے دوران پر امن ماحول کو یقینی بنایا جائے۔چیف الیکشن کمشنر سکندر سلطان راجہ کی زیر صدارت اجلاس ہوا جس میں کہا گیا کہ اسلحہ برادر اکٹھے کرنے والے امیدوار کے خلاف قانونی کارروائی کی جائے گی۔