کراچی : ضمنی انتخابات کے لیے کاغذات نامزدگی کی اسکروٹنی کا آخری دن

کراچی: ضمنی انتخابات کے لیے کاغذات نامزدگی کی اسکروٹنی کا آخری دن،189 نامزدگی فارم جمع کرائے گئے-

باغی ٹی وی : الیکشن کمیشن کے مطابق مجموعی طور پر 189 نامزدگی فارم جمع کرائے گئے ،این اے 241 کراچی میں جمع کاغذات نامزدگی کی تعداد 24 رہی،کراچی این اے 242 میں جمع کاغذات نامزدگی کی تعداد19 رہی،این اے243 کراچی شرقی میں جمع کاغذات نامزدگی کی تعداد17 رہی-

الیکشن کمیشن کے مطابق کراچی این اے 244 میں جمع کاغذات نامزدگی کی تعداد 19 رہی،این اے 247 میں جمع کاغذات نامزدگی کی تعداد 24 رہی،این اے 250 میں جمع کاغذات نامزدگی کی تعداد19 رہی،این اے 252 میں 24 امیدواروں نے کاغذات نامزدگی جمع کروائے ،این اے 254 میں 23 اور 256 کے لیے 19 نامزدگی کاغذات وصول کئے-

الیکشن کمیشن کا کہنا ہے کہ آج کاغذات کی جانچ پڑتال ہوگی،16فروری تک منظور یا مسترد کیے جانے کے خلاف اعتراضات جمع کرائے جاسکیں گے،22 فروری تک امیدوار دستبردار ہوسکیں گے،23 فروری کو انتخابی نشانات الاٹ کیے جائیں گے،کراچی میں قومی اسمبلی کے 9 حلقوں پر 16 مارچ کو پولنگ ہوگی