زرداری اور حمزہ کی رہائی کیلئے عدالت میں درخواست دائر

سابق صدر آصف زرداری اور پنجاب اسمبلی میں قائد حزب اختلاف کی ضمانت پر رہائی کے لئے عدالت میں درخواست دائر کر دی گئی

باغی ٹی وی کی رپورٹ کے مطابق سابق وزیراعظم نواز شریف کے سابق وکیل سینئر قانون دان اے کے ڈوگر ایڈوکیٹ نے لاہور ہائیکورٹ میں درخواست دائر کی ہے جس میں موقف اختیار کیا گیا ہے کہ نیب آرڈیننس کی سیکشن 24 کے تحت گرفتاریاں غیر قانونی ہیں،نیب نے سابق صدر آصف زرداری اور حمزہ شہباز کو بھی غیر قانونی گرفتار کیا ہے ،اے کے ڈوگر ایڈوکیٹ نے عدالت میں موقف اختیار کیا کہ آصف زرداری پاکستان کے صدر مملکت رہ چکے ہیں، حمزہ شہباز پنجاب اسمبلی میں قائد حزب اختلاف ہیں. عدالت دونوں کی گرفتاری کالعدم قرار دے اور ضمانت پر رہا کرنے کا حکم دے

واضح رہے کہ عدالت کی جانب سے ضمانت میں‌توسیع کی درخواست مسترد ہونے پر آصف زرداری کو اسلام آباد اور حمزہ شہباز کو لاہور سے نیب نے گرفتار کیا ہے

جواب چھوڑیں

آپ کا ای میل ایڈریس شائع نہیں کیا جائے گا.