زرداری کا بچنا اب مشکل، منی لانڈرنگ کیس کا مبینہ مرکزی ملزم بنا وعدہ معاف گواہ

جعلی اکاؤنٹس کیس میں سابق صدر آصف زرداری کے لئے ایک اور مشکل، ناصر عبداللہ وعدہ معاف گواہ بن گیا

باغی ٹی وی کی رپورٹ کے مطابق اماراتی شہری منی لانڈرنگ کا مبینہ مرکزی کردار ناصر عبداللہ منی لانڈرنگ کیس میں وعدہ معاف گواہ بن گیا، نیب نے ناصر عبداللہ کا بیان ریکارڈ کرلیا، اسے احتساب عدالت میں پیش کیا گیا،

اماراتی شہری ناصرعبداللہ لوتھا نے دفعہ 164 کے تحت بیان بھی ریکارڈ کروا دیا۔ ایڈیشنل ڈپٹی کمشنر وسیم احمد نے بطور مجسٹریٹ بیان ریکارڈ کیا۔ ناصر لوتھا نے عدالت میں اپنے بیان میں کہا کہ منی لانڈرنگ سے کوئی تعلق نہیں، عبدالغنی مجید نے میری دستاویزات کا غلط استعمال کیا، نیب کی تفتیش میں مکمل تعاون کرنے کو تیار ہوں۔

وعدہ معاف گواہ بننے کے بعد ناصرعبداللہ کے وارنٹ گرفتاری منسوخ کر دیئے گئے، ناصر عبداللہ سمٹ بینک کے بورڈ آف ڈائریکٹرز کے چیئرمین ہیں۔

واضح رہے کہ جعلی اکاؤنٹس کیس میں‌سابق صدر آصف زرداری کو نیب نے حراست میں لے رکھا ہے، اسلام آباد ہائیکورٹ سے ضمانت کی درخواست مسترد ہونے کے بعد نیب نے زرداری ہاؤس سے آصف زرداری کو گرفتار کیا تھا، آصف زرداری جسمانی ریمانڈ پر نیب کی تحویل میں ہیں. ان سے تحقیقات جاری ہیں، آصف زرداری کی ہمشیرہ فریال تالپورکو بھی نیب نے گرفتار کر رکھا ہے

جواب چھوڑیں

آپ کا ای میل ایڈریس شائع نہیں کیا جائے گا.