زرداری کی گریٹ گیم ،مولانا کی منتیں بھی کام نہ آئیں،پی ڈی ایم کو ایک اوربڑا جھٹکا

زرداری کی گریٹ گیم ،مولانا کی منتیں بھی کام نہ آئیں،پی ڈی ایم کو ایک اوربڑا جھٹکا
باغی ٹی وی کی رپورٹ کے مطابق مولانا فضل الرحمان کی تمام تر کوششیں بے کار گئیں، پی ڈی ایم ایک نہ ہو سکی

پیپلز پارٹی نے سینیٹ میں اپنا قائد حزب اختلاف لانے کی تیاری کر لی، جبکہ مریم نواز بھی گزشتہ روز کہہ چکی ہیں کہ سینیٹ میں قائد حزب اختلاف ن لیگ سے ہو گا، اس ضمن میں پیپلز پارٹی نے پہل کر دی ہے،پیپلز پارٹی کے رہنما، سابق وزیراعظم سینیٹر یوسف رضا گیلانی نے سینیٹ میں قائد حزب اختلاف کے لیے درخواست جمع کرادی

30ارکان کی حمایت کے دستخط کے ساتھ درخواست چیئرمین سینیٹ کو جمع کرائی گئی،پیپلز پارٹی کی رہنما سینیٹر شیری رحمان کا کہنا تھا کہ 30اراکین کے دستخط کے ساتھ درخواست جمع کروائی 21پیپلزپارٹی، 2 اے این پی ایک جماعت اسلامی کا رکن شامل ہے،فاٹا2، دلاور خان کے آزاد گروپ کے 4 ممبران نے حمایت کی ہے،پی ڈی ایم کا کوئی جنازہ نہیں پڑھا گیا یہ پیپلزپارٹی کا حق تھا،

مولانا فضل الرحمان نے پچھلے ایک ہفتے میں آصف زرداری اور بلاول سے کم از کم تین بار رابطہ کیا تا ہم پیپلز پارٹی نے مولانا کی نہ سنی اور ن لیگ کا قائد حزب اختلاف ماننے کی بجائے اپنی درخواست جمع کروا دی، اب آنیوالے دنوں میں پی ڈی ایم کا اونٹ کس کروٹ بیٹھے گا پیپلز پارٹی کے نواز شریف کے واپس بلاونے کے مطالبے کے بعد ہی اندازہ ہو گیا تھا تا ہم جو لوگ ابھی تک اس خوش فہمی میں ہیں کہ پی ڈی ایم متحد ہے اور رہے گی، اب ایسا ممکن نہیں رہا، پیپلز پارٹی نے اپنی گریٹ گیم کا آغاز کر دیا ہے، مولانا فضل الرحمان اسی پرانی تنخواہ پر کام کرتے رہیں گے،