وفاقی وزیر زرتاج گل کے خلاف آرٹیکل 62 کے تحت کاروائی کے مطالبے کی قرارداد پنجاب اسمبلی میں جمع کروا دی گئی ہے

باغی ٹی وی کی رپورٹ کے مطابق قرارداد مسلم لیگ ن کی رکن پنجاب اسمبلی عظمیٰ بخاری کی جانب سے جمع کرائی گئی ہے. جس کے متن میں کہا گیا ہے کہ تحریک انصاف کی رہنما زرتاج گل نے اپنے عہدے کا غلط استعمال کیا، زرتاج گل نے وزیر ہونے کا فائدہ اٹھاتے ہوئے اپنی ہمشیرہ شبنم گل کی بطور ڈائریکٹر نیکٹا تعیناتی کرائی، زرتاج گل نے اپنی بہن کو ڈائریکٹر نیکٹا تعینات کرانے کے لئے سیکرٹری داخلہ کو خط لکھا، شبنم گل کا انسداد دہشتگردی میں نہ کوئی تجربہ اور نہ کوئی ریسرچ ہے۔ قرارداد میں مطالبہ کیا گیا کہ وفاقی وزیر برائے ماحولیاتی امور زرتاج گل کے خلاف آرٹیکل 62 ون کے تحت کاروائی عمل میں لائی جائے، زرتاج گل ماحولیات جیسی اہم وزارت کی اہل نہیں رہی، ان کو فی الفور نا اہل قرار دیا جائے۔

میں یہ کام نہیں کرتی……زرتاج گل نے کیوں کی وضاحت؟

واضح رہے کہ تحریک انصاف کی رہنما وزیر مملکت برائے موسمیاتی تبدیلی زرتاج گل کی ہمشیرہ شبنم گل کو نیکٹا میں بطور ڈائریکٹر تعینات کیا گیا تھا .شبنم گل لاہور کالج برائے خواتین یونیورسٹی میں گریڈ 18 کی اسسٹنٹ پروفیسر ہیں ،لاہور کالج برائے خواتین یونیورسٹی نے شبنم گل کو اعزازی گریڈ 19 دے رکھا ہے ،شبنم گل نے 2010 میں پولیٹکل سائنس میں پی ایچ ڈی میں داخلہ لیا تھا وہ 9 سال گزر جانے کے باوجود بھی پی ایچ ڈی مکمل نہیں کر سکیں .
وزیر اعظم عمران خان نے زرتاج گل کی بہن کی ڈائریکٹر نیکٹا تعیناتی کے معاملے کا نوٹس لیتے ہوئے زرتاج گل کو ہدایت کی ہے کہ وہ نیکٹا کو لکھا گیا خط واپس لیں. وزیر اعظم عمران خان کے ترجمان نعیم الحق کی جانب سے سماجی رابطے کی ویب سائٹ ٹویٹر پر کہا گیا ہے کہ ایسا کرنا پی ٹی آئی کی روایات کیخلاف ہے کیونکہ پی ٹی آئی کا ماضی گواہ ہے کہ اس نے ہمیشہ اقربا پروری کی مخالفت کی ہے. نعیم الحق کا کہنا تھاکہ سفارش پر تقرریاں کر کے پی ٹی آئی حکومت میں کوئی شخص اپنے عزیز و اقارب کو فائدہ نہیں پہنچا سکتا،