ذاتی دشمنی نے خواتین کو اسلحہ اٹھانے پر مجبور کردیا

صوابی میں دو پردہ پوش خواتین کی جوڈیشل کمپلیکس شاہ منصورمیں اسلحہ لے جانے نے کوشش کی ہے، جو پولیس نے ناکام بنادی ہے،
ان خواتین سے دوعدد پستول بمعہ دومیگزین اوردرجنوں کارتوس برآمد کر لیے گئے ہیں.
ڈی پی او صوابی محمد شعیب خان کی وضع کردہ ہدایات پرجوڈیشل کمپلکیس شاہ منصورکے اطراف اورمین گیٹ پرسیکیورٹی انتہائی سخت کردی گئی ہے.

دوخواتین مسماة (ر) زوجہ انعام اورمسماة (ر) زوجہ لیاقت ساکنان بام خیل نے پستول بمع کارتوس عدالت لے جاتے ہوئے گیٹ پرموجود سب انسپکٹراخترمنیر کی نگرانی میں لیڈی کنسٹبلز نے دوران تلاشی لی ہے، خواتین کے قبضہ سے دوعدد پستول برآمد کیے گئے ہیں،
گرفتارشدہ ملزمان کا فریق دوئم سے قتل ومقاتلی کی دشمنی چلی آرہی ہے، فریقین مخالف عدالت پیشی کے لیے اندرداخل ہوئے توانہوں نے بھی اندرجانے کی کوشش کی ہے.

اس موقع پر ڈی ایس پی صوابی سٹی بشیر احمد یوسفزئی اور ایس ایچ او زیدہ انسپکٹر شفیع الرحمن نے موقع پر پہنچ کرملزمان کے خلاف تھانہ زیدہ میں مقدمہ درج کرلیا ہے، مزید تفتیش شروع کردی گئی ہے.