fbpx

زمبابوے کی ٹیم کی ناقص بیٹنگ ، فال آؤٹ کا شکار ہوگئی

زمبابوے کی ٹیم کی ناقص بیٹنگ ، فال آؤٹ کا شکار ہوگئی

باغی ٹی وی : ہرارے ٹیسٹ کے تیسرے روز زمبابوے ٹیم کی پہلی اننگز کھیل کر آؤٹ ہو گئی، اس نے 132 رانز بنا سکی اور فال آؤٹ کا شکار ہوگئی،
سیریز کے آخری ٹیسٹ کے تیسرے دن زمبابوے نے 52 رنز چار کھلاڑی آؤٹ سے اپنی پہلی نامکمل اننگز کا آغاز کیا ،کھیل شروع ہونے بعد آج بھی زمبابوے کی وکٹیں یکے بعد دیگرے پتوں کی طرح گرتی رہیں۔

ایک رن کے اضافے پر میزبان ٹیم کو پانچویں بلے باز کا نقصان اٹھانا پڑا، ٹینڈائی چیسورو کو 53 کے مجموعے پر حسن علی نے شکار کیا۔ ان کے بعد ریجس چکابوا بھی حسن علی کی جاندار بالنگ کا نشانہ بنے، ان کا کیچ عابد علی نے پکڑا۔ تریپانو23، لیوک جونگوے 19 اور رائے کایا 11 رنز بنا سکے۔ 60 ویں اوور کے اختتام پر زمبابوے کی ٹیم 130 کے مجموعی سکور کے ساتھ بیٹنگ جاری رکھے ہوئے ہے۔

گذشتہ روز بھی زمبابوے ٹیم قابل ذکر کھیل کا مظاہرہ نہ کر سکی۔ کاسوزا 4، موساکنڈا0، برینڈن ٹیلر9، شومبا 2 سکور بنا کر آؤٹ ہوئے۔ اس سے قبل پاکستان نے 510 رنز پر پہلی اننگز ڈکلیئر کر دی تھی.

پاکستان کو زمبابوے کے خلاف 378 رنز کی برتری حاصل ہےپاکستان کی جانب سے حسن علی نے 5 ، ساجد خان نے 2، تابش خان اور شاہین شاہ آفریدی نے ایک ایک وکٹ حاصل کی۔

اس سے قبل گزشتہ روز مہمان ٹیم پاکستان نے آٹھ وکٹ پر 510 رنز بناکر اننگز ڈکلیئر کر دی تھی، عابد علی 215 رنز بناکر ناٹ آؤٹ رہے جبکہ نعمان علی نے 97 رنز کی اننگز کھیلی ۔

جواب چھوڑیں

آپ کا ای میل ایڈریس شائع نہیں کیا جائے گا.