fbpx

ضمنی الیکشن پی پی 84 کے انتظامات مکمل، جبکہ 5 مئی کو عام تعطیل ہو گی

خوشاب ،صوبائی الیکشن کمشنر پنجاب نے حلقہ پی پی 84 خوشاب کے ضمنی انتخاب کی تیاریاں مکمل کر لیں۔ اس حوالے سے 5 مئی کو خوشاب میں عام تعطیل ہو گی حلقہ خوشاب میں ضمنی انتخاب 5 مئی کو منعقد کیا جائیگا۔ حلقہ پی پی 84 خوشاب تھری کی نشست ن لیگ کے امیدوار محمد وارث شاد کی وفات کی وجہ سے خالی ہوئی. ن لیگ کے محمد وارث شاد نے 2018 میں 66775 ووٹوں کے ساتھ کامیابی حاصل کی تھی۔ 5 مئی کو منعقد ہونے والے ضمنی انتخاب کیلئے 16کاغذات نامزدگی وصول کئے گئے تھے .. ایک نامنظور کیا گیا جبکہ 6 امیدواران نے کاغذات نامزدگی واپس لے لئے .

انتخابی میدان میں 8امیدوار الیکشن لڑیں گے۔ علی حسین خان، پاکستان تحریک انصاف سے، محمد معظم شیر پاکستان مسلم لیگ (ن) سے، غلام حبیب احمد پاکستان پیپلز پارٹی پارلیمنٹیر ینز سے، امجد رضا بطور آزاد امیدوار، اورنگزیب بطور آزاد امیدوار، عمران حیدر خان بطور آزاد امیدوار، محمد الیاس خان بطور آزاد امیدواراور حافظ محمد اصغر علی ٹی ایل پی سے انتخاب میں حصہ لیں گے۔ خورشید عالم، بطور ڈسٹرکٹ ریٹرننگ آفیسر اور شکیل احمد بطور ریٹرننگ آفیسر تعینات کئے گئے ہیں۔حلقے کی حدود میں ضلع خوشاب کی 3 تحصیلیں نور پور تھل، قائدآباد اور تحصیل خوشاب کا علاقہ شامل ہے۔ حلقہ میں رجسٹرووٹر ز کی کل تعداد 2لاکھ 92ہزار چھ سو ستاسی ہے۔

ایک لاکھ 55ہزار ایک سو چار مرد ووٹر ہیں جبکہ ایک لاکھ 37ہزار پانچ سو تراسی خواتین ووٹرز ہیں۔ حلقہ میں کل 229پولنگ اسٹیشن قائم کیے جائیں گے. 27 مردانہ پولنگ اسٹیشنز 26خواتین پولنگ اسٹیشنزاور176 مشترکہ پولنگ اسٹیشنز قائم کئے جائیں گے۔ تمام پولنگ اسٹیشنز کو GIS کے ذریعے جیو ٹیگ کیا گیا ہے۔ حلقہ میں ضمنی انتخاب کیلئے انتخابی عملہ کی تربیت بھی مکمل ہو چکی ہے۔ انتخابی عملہ میں 229پریزائیڈنگ آفیسرز، 666اسسٹنٹ پریذائیڈنگ آفیسراور 666پولنگ آفیسرز تعینات کئے گئے ہیں۔ حلقے میں 14پولنگ اسٹیشنز انتہائی حساس قرار، جبکہ 43 حساس اور 172نارمل پولنگ اسٹیشنز ہیں۔ حلقے میں 2800سے زائد پولیس اہلکاران جبکہ500 سے زائد رینجرز کے جوان تعینات کئے گئے ہیں۔تمام حساس پولنگ اسٹیشنز پر CCTVکیمرے نصب کئے جائیں گے۔ پولنگ اسٹیشن سے نتائج اور پولنگ ریکارڈریٹرننگ افسر تک پہنچانے کیلئے ہر پریزائیڈنگ افسر کیساتھ پولیس اور رینجرز کی مناسب نفری تعینات کی گئی ہے۔ علاوہ ازیں، ہر پولنگ اسٹیشن کا پولنگ ریکارڈ بحفاظت ریٹرننگ افسر کے دفتر پہنچانے کیلئے انتظامیہ کا ایک فوکل پرسن بھی ہمراہ ہوگا۔ انتخابی عوامل کو مانیٹر کرنے کیلئے کنٹرول روم قائم کر دئے گئے ہیں۔ کنٹرول روم میں ان نمبرز پر عوام الناس شکایات درج کرا سکیں گے۔
٭ کنٹرول روم دفتر صوبائی الیکشن کمشنر پنجاب فون: 042-99212607, 042-99212717
فیکس نمبر: 042-99211021
ای میل: [email protected]

جواب چھوڑیں

آپ کا ای میل ایڈریس شائع نہیں کیا جائے گا.