قصور
خوفناک حادثہ،ایک شحض جانبحق،5 شدید زخمی
تفصیلات کے مطابق گزشتہ رات لاہور قصور روڈ المعروف فیروز پور پر مصطفی آباد للیانی کے قریب پکی حویلی کے مقام پر ایک خوفناک حادثہ پیش آیا جس میں ایک T 3500مزدا ڈالہ فٹ پاتھ سے ٹکرا کر الٹ گیا جس کے نتیجے میں ایک شحص جان بحق جبکہ پانچ افراد شدید زحمی ہو گئے
واقع کی اطلاع ملتے ہی ریسکیو 1122 کی ٹیمیں فوری موقع پر پہنچ گئیں جنہوں نے ڈیڈ باڈی اور زحمیوں کو بلھے شاہ ہسپتال منتقل کر دیا جہاں زخمیوں کا علاج جاری ہے
حادثہ تیز رفتاری کے باعث پیش آیا
قصور
بلھے شاہ ہسپتال قصور میں ایڈز کے عالمی دن کے موقع پر سیمینار کا انعقاد کیا گیا،شرکاء کی طرف سے لوگوں کو بچاؤ کی آگاہی دی گئی
تفصیلات کے مطابق بلھے شاہ ہسپتال قصور میں ایچ ائی وی یعنی کہ ایڈز کا عالمی دن منایا گیا
ایڈز کے عالمی دن کے موقع پر ایڈز پہ کام کرنے والے تمام اداروں نے شمولیت اختیار کی جس میں بلخصوص سی ای او ہیلتھ قصور، پرنسپل نرسنگ کالج قصور اور ڈسٹرکٹ انچارج نئی زندگی ٹرسٹ قصور محمد احمد رضا نے اپنی ٹیم کے ہمراہ شرکت کی اور سیمینار سے خطاب کیا
بلھے شاہ ہسپتال میں جاری سیمینار میں ایڈز کی روک تھام کے لئے کی جانے والی کاوشوں کا ذکر کیا اور واک میں شامل شرکاء کو ایڈز کی روک تھام، اس کے علاج اور اس سے پھیلنے کی وجوہات کے بارے میں اگاہی دی گئی
شرکاء کا کہنا تھا کہ ایچ ائی ایڈز کی روک تھام کے لئے عوام کو اس کے بارے میں اگاہی دی جانا بہت ضروری ہے
شرکاء نے عوام سے اپیل کی کہ دی گئی ہدایات پر عمل کرکے خود بھی ایڈز سے بچیں اور اپنے پیاروں کو بھی بچائیں تاکہ ایک صحت مند معاشرہ پروان چڑھے
قصور
سڑکوں پہ ٹرالیوں کا راج,تارکول سے بنی کارپٹ سڑکیں مٹی کہ تہہ جمنے سے کچی سڑکوں میں تبدیل،دھول مٹی اڑنے سے لوگ بیماریوں میں مبتلا ہونے لگے،کھارا ڈرین رائیونڈ روڈ تا کھارا نئی بنی سڑک اسی سبب برباد
تفصیلات کے مطابق قصور ضلع بھر اور خاص کر تحصیل قصور کے قرب و جوار کے گاؤں دیہات کی سڑکوں پہ مٹی سے لدی ٹریکٹر ٹرالی والوں کا راج ہے جنہوں نے سڑکوں کو اپنی ذاتی ملکیت سمجھ رکھا ہے
مٹی سے لدی بغیر ترپال ٹرالیوں سے مٹی گرتی رہتی ہے جس کے باعث تارکول سے بنی کارپٹ سڑکیں مٹی کی تہہ جمنے سے کچی سڑکوں میں تبدیل ہو رہی ہیں اور مٹی کے جمنے کے باعث سڑکیں ٹوٹ رہی ہیں بجائے کہ ٹرالیوں والے چند دنوں بعد مٹی کو سڑک سے ہٹانے کی بجائے الٹا اس پر پانی چھڑک کر مٹی کی تہہ بنا دیتے ہیں جس کے باعث سڑکیں برباد ہو رہی ہیں
قصور رائیونڈ روڈ نواحی گاؤں کھارا میں ڈرین والی سڑک جو کہ چند سال قبل بنی اور رائیونڈ قصور روڈ ڈرین کیساتھ سے گاؤں تک ہے، اس پر بھی ٹرالی والوں کی طرف سے بجائے مٹی ہٹانے کے پانی کا چھڑکاؤ کر دیا جاتا ہے جس کے باعث گزرنے پھسلن سے گرتے بھی ہے اور مٹی کی مستقل تہہ جمنے سے سڑک برباد ہو چکی ہے
اس سڑک پہ دن رات مٹی والی ٹرالیاں گزرتی ہیں اور مٹی گراتی رہتی ہیں جس کے باعث لوگوں کا گزرنا دشوار ہے اور دھول مٹی اڑنے سے لوگ کئی طرح کی بیماریوں میں مبتلا ہو رہے ہیں
اہلیان علاقہ نے ڈپٹی کمشنر قصور،اسسٹنٹ کمشنر قصور سے ٹرالی مالکان کی طرف سے سرکاری سڑک کو نقصان پہنچا کر لوگوں کو بیمار کرنے اور راستوں میں رکاوٹ ڈالنے پر ازخود نوٹس کا مطالبہ کیا ہے
قصور
تھانہ سٹی اے ڈویژن میں آغاز صبح کیساتھ ہی شہری سے واردات ،ڈاکو اسلحہ کے زور پر ،موٹر سائیکل،قیمتی موبائل فون اور نقدی لے گئے،جاتے ہوئے شہری پر سیدھی فائرنگ بھی کی،شہری معجزاتی طور پر محفوظ رہا،ڈی پی او قصور سے نوٹس کی اپیل
تفصیلات کے مطابق قصور شہر کے مرکز میں چوری ڈکیتی کی وارداتوں کا سلسلہ تیز ہو گیا ہے جس کے باعث لوگوں کا اب رات کیساتھ دن کو بھی گھروں سے نکلنا مشکل ہو گیا
شہر میں ڈاکو راج قائم ہو چکا ہے
شہر قصور کے مرکز گورنمنٹ ڈگری کالج قصور کے بلکل ساتھ واقع سیٹھی کالونی حدود تھانہ سٹی اے ڈویژن کا رہائشی اسد جاوید بھٹی ولد جاوید بھٹی آج صبح بوقت 6:30 اپنی موٹر سائیکل نمبری KSK 2652 پر اپنے گھر سے چارا لینے نکلا اور گھر کے قریب ہی دھوبی گراؤنڈ پر تین نقاب پوش اسلحہ بردار ڈاکوؤں نے روک کر موٹر سائیکل،قیمتی موبائل فون اور نقدی چھین لی جس پر اسد نے ڈاکوؤں ساتھ مزاحمت کرنے کی کوشش کی تو ڈاکوؤں نے سیدھی فائرنگ کی تاہم اسد معجزاتی طور پر محفوظ رہا
قصور شہر میں بڑھتی ہوئی وارداتوں پر شہریوں میں سخت خوف و ہراس پایا جا رہا ہے جس پر شہریوں نے ڈی پی او قصور سے از خود نوٹس لینے کی اپیل کی ہے
قصور ڈپٹی کمشنر قصور نے ساتویں ڈیجیٹل زراعت شماری کے سلسلے میں فیلڈ سٹاف کے ٹریننگ سیشن کا افتتاح کر دیا،پاکستان میں زراعت شماری کو خاص اہمیت حاصل ہے‘تمام سٹاف دلجمی کیساتھ ٹریننگ حاصل کر کے پوری ایمانداری سے فیلڈ سے ڈیٹا اکٹھا کر ے تا کہ صحیح اعدادوشمار حاصل کئے جا سکیں‘ڈپٹی کمشنر کیپٹن (ر) اورنگزیب حیدر خان۔ڈپٹی کمشنر قصور کیپٹن (ر) اورنگزیب حیدر خان نے ساتویں ڈیجیٹل زراعت شماری 2024کے سلسلے میں فیلڈ سٹاف کے پہلے ٹریننگ سیشن کا افتتاح کر دیا۔اس سلسلے میں گزشتہ روز گورنمنٹ قائدٹیچر ٹریننگ کالج میں تقریب کا انعقاد ہوا۔ جس میں ایڈیشنل ڈپٹی کمشنر جنرل عمر اویس‘ ڈپٹی سینسز کمشنر قصور عبدالنوید‘چیف آفیسر شماریات لاہور ڈویژن ڈاکٹر نگہت نعیم‘چیف ایگزیکٹو آفیسر ایجو کیشن اتھارٹی غلام مصطفی کنول، ڈسٹرکٹ کوارڈینیٹر انچارج شماریات قصور محمد رضوان‘انچارج شماریات تحصیل چونیاں محمد اشفاق بھٹی اور دیگر متعلقہ افسران نے شرکت کی۔ اس موقع پر ڈیجیٹل زراعت شماری کی اہمیت کو اجاگر کیا گیا۔ڈپٹی کمشنر کیپٹن (ر) اورنگزیب حیدر خان نے تربیتی سیشن سے گفتگو کرتے ہوئے کہا کہ دنیا کے ساتھ ساتھ پاکستان میں زراعت شماری کو خاص اہمیت حاصل ہے کیونکہ پاکستان کی 70فیصد آبادی زراعت سے منسلک ہے۔ پاکستان میں پہلی دفعہ ڈیجیٹل طریقے سے زراعت شماری‘مال شماری اور مشینری شماری سب کو ملاکر کمبائیڈ شمار کیا جائیگا۔ زراعت شماری کو پایہ تکمیل پہنچانے کیلئے اسٹاف کی ٹریننگ بہت اہمیت کی حامل ہے اس لئے تمام سٹاف دلجمی کے ساتھ ٹریننگ حاصل کر کے پوری ایمانداری کیساتھ فیلڈ سے ڈیٹا اکٹھا کر ے تا کہ صحیح اعدادوشمار حاصل کئے جا سکیں۔ ڈپٹی سینسز کمشنر قصور عبدالنوید نے بتایا کہ فیلڈ سٹاف کی ٹریننگ مرحلہ وار کروائی جائیگی تا ہم 3دن زراعت شماری کی ٹریننگ ہوگی جس کے بعد تمام فیلڈ سٹاف کا ٹریننگ ٹیسٹ لیا جائیگا اور جو اس کو پاس کریگا اس کو زراعت شماری کی ڈیوٹی سونپی جائیگی۔ فیلڈ سٹاف کی ٹریننگ کا عمل 28نومبر تا 3دسمبر 2024تک جاری رہے گاجبکہ فیلڈ آپریشن کا آغاز 16دسمبر 2024سے لیکر 31جنوری 2025تک جاری رہیے گا۔
قصور
پورا ضلع خاص کر نور پور نہر اور ڈھولن ہتھاڑ میں بینظیر انکم سپورٹ پروگرام سے پیسے حاصل کرنے والی عورتوں سے ڈیوائس ہولڈرز کی بھاری رشوت وصولی،1500 سے 3000 روپیہ رشوت لیئے جانے لگی،غریب عورتوں کی حکومت سے نوٹس کی اپیل،پیسے جاز کیش و ایزی پیسہ طرز کے ذاتی اکاؤنٹس میں پیسے دینے کی استدعا
تفصیلات کے مطابق قصور ضلع بھر اور خاص کر ڈھولن ہتھاڑ و نورپور نہر میں ڈیوائس ہولڈرز نے سرعام لوٹ مار اور رشوت خوری کا بازار گرم کیا ہوا ہے اور غریب عورتوں کو لوٹ رہے ہیں
ڈیوائس ہولڈرز بینظیر انکم سپورٹ پروگرام سے پیسے نکلوانے والی عورتوں سے 1500 روپیہ سے 3000 روپیہ بطور رشوت وصول کر رہے ہیں
جس سے غریب اور بے سہارہ عورتوں کی حق تلفی ہو رہی ہے اس بابت عورتوں نے گورنمنٹ سے اپیل کی ہے کہ ان ڈیوائس ہولڈرز کے خلاف کاروائی کی جائے اور بینظیر انکم سپورٹ پروگرام سے پیسے لینے والی عورتوں کے ذاتی جاز کیش و ایزی پیسہ طرز کے اکاؤنٹ بنا کر ان کے اکاؤنٹس میں پیسے دیئے جائیں تاکہ ڈیوائس ہولڈرز مافیا سے جان چھوٹ سکے
واضع رہے کہ عرصہ دراز سے ڈیوائس ہولڈرز کے خلاف ثبوت بھی پیش کئے گئے تاہم بات نہیں بنتی
قصور میں ڈسٹرکٹ بار ایسوسی ایشن کا الیکشن وکلا کمپین میں سرگرم معروف قانون دان چوہدری احسن اعظم ایڈووکیٹ ہائی کورٹ کے ڈیرہ پر لاہور ہائی کورٹ بار ایسوسی ایشن اور قصور بار ایسوسی ایشن کے امیدواران کے لیے تقریب کا اہتمام کیا گیا جہاں سپیکر پنجاب اسمبلی محمد احمد خاں نے خطاب کیا،تقریب میں سپیکر پنجاب اسمبلی ملک محمد احمد خاں، صدر لاہور بار و ممبر پنجاب بار کونسل منیر حسین بھٹی، ملک سعید احمد خاں ایم پی اے، ملک ریاض احمد خاں ممبر پنجاب بار کونسل و ثاقب اکرم گوندل ایڈووکیٹ سپریم کورٹ امیدوار برائے صدر لاہور ہائی کورٹ بار سمیت مہر محمد عمران ایڈوکیٹ سابقہ سیکرٹری بار ، مہر شکیل شریف ایڈووکیٹ سردار کاشف سمیت سینکڑوں وکلاء نے شرکت کی جس میں مقررین کا کہنا تھا کہ وکلاء نے ہمیشہ ملک و قوم کی بہتری اور آئین و قانون کی پاسداری میں قلیدی کردار ادا کیا ہے اور ہر مظلوم کی پشت پناہی کر کے ظالم کو کیفرکردار تک پہنچایا ہے مزید شرکاء محفل نے چوہدری احسن اعظم ایڈووکیٹ ہائی کورٹ کو کامیاب ایونٹ کے انعقاد پر مبارکباد دی اور بھرپور سپورٹ پر شکریہ ادا کیا گیا
قصور
ضلع بھر میں تعلیمی اداروں سمیت ہر قسم کے سرکاری دفاتر کھلے،ان ڈسٹرکٹ سفر جاری،لاہور قصور لیجانے والی اے سی کوچز کی شہریوں سے ڈرامے گیری،لاہور کا کہہ کر مصطفی آباد للیانی سے اسی کرایہ میں واپسی،لوگ سخت پریشان،کنٹینرز لگائے جانے کی وجہ سے دولہا اپنی دلہن کے ہمراہ مصطفیٰ آباد ٹول پلازہ پر پھنسا رہا،انٹرنیٹ سروس جاری
تفصیلات کے مطابق پی ٹی آئی کے احتجاج کے باعث ملک بھر کی طرح ضلع قصور میں بھی لوگوں کو سخت مشکلات کا سامنا ہے
آج ضلع بھر کے تمام تعلیمی ادارے اور ہر قسم کے سرکاری دفاتر کھلے ہوئے ہیں اور ان ڈسٹرکٹ سفر میں کوئی رکاوٹ نہیں جبکہ لاہور سے قصور جانے والوں کو سخت مشکلات کا سامنا ہے
مصطفی آباد للیانی کے مقام پر کنٹینرز لگا کر راستہ سیل کیا گیا ہے جس کے باعث قصور سے لاہور و دیگر علاقوں میں جانے والوں کو سخت مشکلات کا سامنا ہے
قصور سے لاہور جانے والی اے سی کوچز نے لوگوں کو لوٹنے کا بازار گرم کیا ہوا ہے راستہ بند ہونے کا پتہ ہونے کے باوجود مسافروں کو لاہور پہنچانے کا کہہ کر کوچ میں بٹھا لیا جاتا ہے اور مصطفی آباد کے مقام پر راستہ بند ہونے کے باعث شہریوں کی مجبوری کا فائدہ اٹھا کر اسی کرایہ میں واپسی قصور لے آتے ہیں
جبکہ مصطفی آباد تک آنے جانے کا سفر محض 26 کلومیٹر ہے اور لاہور کا سفر 60 کلومیٹر ہے
سب کچھ جانتے بوجھتے ہوئے بھی اے سی کوچز والے شہریوں کو پریشان کرکے پیسے کما رہے ہیں
دوسری طرف کل مصطفی آباد کے مقام پر راستہ بند ہونے کے باعث دلہا اپنی دلہا ساتھ گاڑی میں پھنسا رہا نیز ضلع بھر میں انٹرنیٹ سروس بحال ہے
قصور
سب رجسٹرار قصور کا بیٹا اپنے گھر میں بیٹھ کر باپ کے عہدے پر کام کرنا لگا،کمشنر لاہور و ڈپٹی کمشنر قصور سے کاروائی کا مطالبہ
تفصیلات کے مطابق سب رجسٹرار قصور عبدالمجید شاہد کا بیٹا حامد مجید اپنے گھر میں بیٹھ کر اپنے باپ کے عہدے کے اختیارات کا استعمال کر رہا ہے
اپنے باپ کے عہدے کا استعمال کرتے ہوئے لوگوں کی بائیومیٹرک تصدیق کر کے بیان بھی خود ہی لے رہا ہے اور بیانات کی مد میں بھاری رشوت وصول کر رہا ہے اس بابت سوشل میڈیا پر ویڈیو بھی گردش کر رہی ہے جس میں صاف اور واضع طور پر دیکھا جا سکتا ہے
شہریوں نے کمشنر لاہور اور ڈپٹی کمشنر قصور سے باپ اور بیٹے کے خلاف کاروائی کا مطالبہ کیا ہے
قصور
پاکستان مرکزی مسلم لیگ قصور کے زیر اہتمام ختم نبوت و یکجہتی فلسطین کانفرنس آج سٹی قصور میں شہباز خان روڈ قصور میں بعد نماز مغرب ہو گی،ملک بھر سے سیاسی و مذہبی جماعتوں کے قائدین خطاب کرینگے،احمد تھیلیسیمیا کئیر ہسپتال کیلئے بلڈ ڈونیشن کیمپ بھی لگایا جائے گا
تفصیلات کے مطابق آج مورخہ 22 نومبر 2024 بروز جمعتہ المبارک بعد نماز مغرب سٹی قصور میں شہباز خان روڈ میں پاکستان مرکزی مسلم لیگ کی جانب سے ختم نبوت و یکجہتی فلسطین کانفرنس کا انعقاد کیا گیا ہے جس میں ملک بھر سے سیاسی و مذہبی جماعتوں کے قائدین خطاب فرمائیں گے نیز ملک بھر سے لوگ اس کانفرنس میں شرکت کرینگے
اس موقع پر قصور کے واحد تھیلیسیمیا کئیر ہسپتال احمد تھیلیسیمیا کئیر ہسپتال کنگن پور قصور کی جانب سے بلڈ ڈونیشن کیمپ بھی لگایا جائے گا جس میں شہریوں سے تھیلیسیمیا کے مریض بچوں کو خون کا عطیہ کرنے کی درخواست کی گئی ہے
کانفرنس میں فلسطین سے اظہار یکجہتی کی جائے گی اور فلسطینیوں کی مدد کے لئے گورنمنٹ سے ایکشن لینے کی اپیل کی جائے گی