Category: سرگودھا

سرگودھا۔ 30 جولائی (اے پی پی) 24 ہزار ارب کا ملک کو مقروض کرنیوالوں سے حساب مانگا جائے تو جمہوریت خطرے میں پڑ جاتی ہے اگر ان سے حساب نہ لیا گیا تو ملک خطرے میں پڑ جائیگا اس لئے ملک کو مقروض کرنیوالوں سے ایک ایک پائی کا جواب لیا جائیگا تاکہ پاکستان کو مقروض کرنیوالے آئندہ اس قسم کی حرکت نہ کرسکیں ان خیالات کا اظہار پاکستان تحریک انصاف کے رہنما رکن صوبائی ا سمبلی منیب سلطان چیمہ نے میڈیا سے گفتگو کرتے ہوئے کیا انہوں نے کہا کہ 10 سال اقتدار میں رہنے والوں نے جس طرح قومی دولت کو لوٹا وہ کسی سے پوشیدہ نہیں بدقسمتی سے ہمارے ملک میں جو جتنا بڑا مجرم ہے اس کی اتنی ہی مراعات ہیں سابقہ صدر اور وزیر اعظم رہنے والے خود کو عدالتوں میں بے قصور ثابت کرنے کی بجائے واویلا کررہے ہیں کہ انتقامی کاروائیاں کی جارہی ہیں حالانکہ جن مقدمات میں یہ جیلوں میں ہیں یہ مقدمات ان لوگوں نے خود ایکدوسرے پر کررکھے ہیں اب ان سے لوٹی گئی دولت واپس لینے کا وقت آگیا ہے۔

سرگودھا۔30جولائی (اے پی پی) ایڈیشنل ڈپٹی کمشنر جنرل بلال فیروز نے کہا ہے کہ آبادی میں اضافہ پاکستان کا بہت بڑا مسئلہ ہے۔ محکمہ بہبود آبادی سماجی، شہری تنظیموں، علماء اور معززین علاقہ کے تعاون سے دیہی علاقوں میں آبادی کے کنٹرول کے لئے خصوصی مہم چلائیں۔مساجد اور منبر ومحراب کو استعمال کرتے ہوئے علماء کے تعاون کے ذریعہ لوگوں میں آبادی کو وسائل کے مطابق متوازن بنانے کا شعور بیدار کریں۔ ان خیالات کااظہار انہوں نے محکمہ بہبود آبادی کی ضلعی کوارڈینیشن کمیٹی کے اجلا س کی صدارت کرتے ہوئے کیا۔ اس موقع پر ڈائریکٹر سوشل ویلفیئر حسین احمد گوندل، علماء، محکمہ صحت، تعلیم، اوقاف ودیگر متعلقہ محکموں کے افسران اور نمائندے بھی موجود تھے۔ بلال فیروز نے کہاکہ اس وقت ملک آبادی اور وسائل کے لحاظ سے عدم توازن کا شکار ہے۔انہوں نے کہاکہ سخت قانون سازی کے باوجود روایتی اذہان نوعمری کی شادیوں کے شیدا ہیں اور اسلامی طرز زندگی کے برعکس اپنی ضروریات کو بڑھا کر اپنے لئے مسائل پیدا کرنے کے رجحان دم نہیں توڑ رہا۔ انہوں نے محکمہ بہبود آبادی کو گاؤں گاؤں قریہ قریہ پاپولیشن ویلفیئر کا پیغام پہنچانے کی ضرورت پر زور دیا۔

سرگودہا پریس کلب میں ممبران کا اجلاس جاری
اجلاس میں آزادی صحافت کی جنگ کیسے ممکن ہے پر پریس کلب کے ممبران صحافی اپنے اپنے خیالات کا اظہار کرتے ہوئے اجلاس کی صدات جنرل سیکرٹری رانا ساجد اقبال تہوار بلال ارشد محمود ارشی کررہے ہیں اجلاس میں ملک اصغر، حنان چوہدری،عمران گورایہ،ظہورشاہد،میاں ریاض بلا،خالد اصغر،التمش رفیق بھٹی،زاورکاظمی،عمیر ضیاء اور کثیر تعداد میں صحافیوں نے شرکت کی.

سرگودہا (نمائندہ باغی ٹی وی) پاکستان نے بین الاقوامی سطح پر اپنی بہترین خارجہ پالیسیوں کی وجہ سے بھارت کو ناک آؤٹ کیا ہے جس کا کریڈٹ وزیر اعظم عمران خان کو جاتا ہے اب طالبان نے بھی امن کی خاطر عمران خان سے ملنے پر آمادگی ظاہر کی ہے جس سے افغانستان میں امن عمل کو آگے بڑھانے میں مدد ملے گی ان خیالات کا اظہار چیئرمین سرگودھا ڈویلپمنٹ اتھارٹی و سینئر راہنما پاکستان تحریک انصاف الحاج ممتاز اختر کاہلوں نےباغی ٹی وی سے گفتگو کرتے ہوئے کیا انہوں نے کہا کہ سیاست کو لوٹ مار کیلئے استعمال کرنیوالے عبرت کا نشان بنتے جارہے ہیں اب پاکستان میں سیاسی وہی لوگ کرینگے جو اسے خدمت کا ذریعہ بنائیں گے ماضی قریب میں لوگوں نے لوٹمار کے ذریعے عوام کو معاشی طور پر کنگال کیا ہے جس سے ملک دیوالیہ ہونے کے قریب پہنچ گیا تھا الحاج ممتاز اختر کاہلوں نے کہا کہ عمران خان کی بہتر حکمت عملی سے ملک معاشی طور پر بھی مستحکم ہونے کی جانب گامزن ہے۔

سرگودھا (نمائندہ باغی ٹی وی) سرگودھا شہر میں پختہ تجاوزات ایک بار پھر سر اٹھانے لگی ہیں مختلف مقامات پر تاجروں نے پختہ تجاوزات آہستہ آہستہ بڑھانا شروع کردی ہیں جبکہ فٹ پاتھوں پر قبضوں کا سلسلہ بھی تیز ہوگیا ہے ایڈمنسٹریٹر بلدیہ سرگودھا نے شہر کو تجاوزات سے پاک کیا گیا تھا مگر اب تاجروں نے دوبارہ از خود تجاوزات کرنا شروع کردی ہے جبکہ بلاک نمبر 3-2 میں پھٹہ مافیا پھر سرگرم ہے قبل ازیں انتظامیہ نے انہیں زمین پر کپڑے رکھ کر اشیاء فروخت کرنے کی مشروط اجازت دی تھی مگر بلدیاتی ادارے ختم ہوتے ہی قبضہ مافیا نے بلاک نمبر 3-2 میں دوبارہ پھٹے رکھنا شروع کردیئے ہیں اور یہ سلسلہ پختہ تجاوزات کی طرف نکتہ آغاز ہے اگر اسے فوری طور پر نہ روکا گیا تو تجاوزات شہریوں کیلئے وبال جان بن جائیں گی۔ شہریوں نے ایڈمنسٹریٹر بلدیہ سرگودھا سے اس کا فوری نوٹس لینے کا مطالبہ کیا ہے۔