برطانیہ، فرانس اور کینیڈا نے غزہ میں اسرائیل کی فوجی کارروائیوں میں توسیع کی سخت مخالفت کرتے ہوئے خبردار کیا ہے کہ اگر اسرائیل نے کارروائیاں بند نہ کیں اور مغربی کنارے میں بستیوں کی توسیع کا سلسلہ جاری رکھا تو اس کے خلاف پابندیاں عائد کی جا سکتی ہیں۔
باغی ٹی وی کے مطابق تینوں ممالک کی جانب سے برطانوی حکومت کی ویب سائٹ پر جاری مشترکہ بیان میں کہا گیا ہے کہ غزہ میں انسانی بحران ناقابل برداشت حد تک پہنچ چکا ہے اور اسرائیل کی جانب سے صرف "خوراک کی بنیادی مقدار” کی اجازت ناکافی ہے۔ انہوں نے فوری جنگ بندی اور مکمل انسانی امداد کی فراہمی کا مطالبہ کیا۔
بیان میں اسرائیلی وزرا کی اشتعال انگیز اور غیر ذمہ دارانہ زبان کی مذمت کی گئی اور خبردار کیا گیا کہ مستقل جبری نقل مکانی بین الاقوامی قانون کی خلاف ورزی ہے۔بیان میں کہا گیا کہ اگر اسرائیل نے فوجی کارروائیاں بند نہ کیں تو برطانیہ، فرانس اور کینیڈا خاموش نہیں رہیں گے اور مزید سخت اقدامات، بشمول ہدفی پابندیاں، زیر غور لائے جائیں گے۔
رہنماؤں نے مغربی کنارے میں یہودی بستیوں کی تعمیر کو بین الاقوامی قوانین کی خلاف ورزی قرار دیتے ہوئے کہا کہ یہ اقدامات دو ریاستی حل کے امکان کو کمزور کر رہے ہیں۔بیان میں غزہ میں فوری جنگ بندی، یرغمالیوں کی رہائی اور سیاسی حل کی کوششوں کے لیے امریکا، قطر اور مصر کی کاوشوں کی حمایت کی گئی ہے۔ ساتھ ہی اعلان کیا گیا کہ تینوں ممالک آئندہ ماہ اقوام متحدہ میں دو ریاستی حل کانفرنس کے دوران ایک آزاد فلسطینی ریاست کے قیام کی حمایت کریں گے۔
امریکا کی بھارتی ٹریول ایجنٹس پر ویزا پابندیاں
اسلام آباد پر بھارتی قبضے کی جھوٹی خبروں نے بھارتی عوام کو پریشان کر دیا
افواج پاکستان نے دشمن کو ناقابل فراموش سبق سکھایا، قوم ساتھ کھڑی ہے،شہباز شریف
کرنل صوفیہ دہشت گردوں کی بہن کہنے والے بی جے پی وزیر کی معافی مسترد
کرنل صوفیہ دہشت گردوں کی بہن کہنے والے بی جے پی وزیر کی معافی مسترد