Tag: baaghi

قصور
ٹی ایم اے قصور کا عملہ بجائے گندگی اٹھانے کے گندگی کے ڈھیر شہری آبادی میں لگانے لگا،دربار بابا بلہے شاہ کے قریب گندگی کے ڈھیر لگا دیئے گئے

تفصیلات کے مطابق مقامی دکانداروں نے بتایا کہ تحصیل میونسپل ایڈمنسٹریشن قصور کا عملہصفائی شہر قصور میں بجائے صفائی ستھرائی کرنے کے الٹا شہر کے پر رونق چوک میں گندگی کے ڈھیر لگانے لگا ہے
تانا مانا موبائل نزد دربار بابا بلہے شاہ پر واقع موبائل شاپ کے قریب ٹی ایم اے کا عملہ جب جی چاہتا ہے کوڑا کرکٹ کی ٹرالی بھر کر گندگی کا ڈھیر لگا آتا ہے جس سے سخت تعفن اور بدبو پھیلتا ہے اور دکانداروں کیساتھ ساتھ گاہکوں کا دکانوں پر کھڑا رہنا بھی مشکل ہو جاتا ہے اور اس گندگی سے مچھر افزائش پا رہے ہیں اور قرب و جوار میں رہنے والے لوگ مختلف امراض کا شکار بھی ہو رہے ہیں
اہلیان علاقہ نے نااہل عملہ صفائی کے خلاف ڈپٹی کمشنر قصور سے نوٹس لینے اور اپنے علاقے کی صفائی کو یقینی بنانے کی استدعا کی ہے

قصور
قصور میں ایک اور صحافی پولیس گردی کا شکار، تھانہ مصطفی آباد قصور کے ایس ایچ او اور سب انسپیکٹر نے اپنی موجودگی میں کوریج کرتے صحافی سمیع اللہ جٹ پر تھپڑوں اور گالیوں کی برسات کروائی، صحافی کا مائیک،چینل لوگو اور موبائل توڑ دیا،صحافیوں کا پولیس گردی کے خلاف احتجاج

تفصیلات کے مطابق قصور کے تھانہ مصطفی آباد کے ایس ایچ او اور سب انسپیکٹر نے اپنی موجودگی میں کوریج کرتے قصور کے صحافی سمیع اللہ جٹ پر اپنے ماتحتوں سے تھپڑوں اور گالیوں کی برسات کروا دی اور تھانے لیجا کر حبس بیجا میں رکھا
تھانہ مصطفی آباد للیانی کی حدود میں پبلک پراپرٹی کا معاملہ چل رہا تھا جس پر پولیس اپنی موجودگی میں قبضہ کروا رہی تھی جبکہ دوسری پارٹی رو رہی تھی اور پولیس کو منع کر رہی تھی کہ ابھی کورٹ کے آرڈرز نہیں آئے لہذہ آپ کورٹ کے حکم نامہ آنے تک ایسا نہیں کر سکتے یہ سب خلاف قانون ہے
اس منظر کی رپورٹنگ کرتے ایک نیوز کے صحافی سمیع اللہ جٹ کو تھانہ مصطفی آباد کے
سب انسپیکٹر اشرف اور
ایس ایچ او حسن علی عمران نے گالیاں دینا شروع کر دیں اور پکڑ کر صحافی کا موبائل،مائیک اور چینل کا لوگو توڑ دیا اور اپنے ماتحتوں سے صحافی پر سڑک کنارے تھپڑوں اور ٹھڈوں کی برسات کروا دی اور سرکاری گاڑی میں ڈال کر تھانے لیجا کر حبس بیجا میں رکھا جس پر قصور کی صحافی برادری نے بھرپور احتجاج کیا
قصور کی صحافی برادری میں اس بابت سخت غم و غصہ پایا جا رہا ہے اور صحافی برادری پوچھتی ہے کہ رواں سال دنیا بھر میں ابتک 104 صحافی قتل کئے گئے ہیں کیا قصور پولیس بھی غزہ،شام،عراق اور دنیا بھر کی طرح کوریج کرتے صحافی کو قتل کرکے اپنا نام بنانا چاہتی ہے؟
واضع رہے کہ اس سے قبل قصور کے صحافی مہر شکیل شریف اور صحافی غنی محمود قصوری بھی قصور پولیس کی پولیس گردی کا شکار ہو چکے ہیں
صحافی برادری نے وزیر اعلی پنجاب اور وزیر داخلہ و آئی جی پنجاب سے ازخود نوٹس لینے کی اپیل کی ہے

قصور
کرسچن ٹیکنیکل ٹریننگ انسٹیٹیوٹ رائیونڈ کا پرنسپل ذیشان اپنے ماتحت کلینر کی تنخواہ ہڑپ کر گیا،کلینر سے کہا جیسے لے سکتے ہو لے لو،غریب کلینر کی لیبر ڈیپارٹمنٹ قصور و لاہور سے تعاون اپیل

تفصیلات کے مطابق قصور کے نواحی گاؤں اوراڑہ نو کے رہائشی نیامت مسیح ولد بشیر مسیح نے بتایا کہ میں نے نومبر 2019 سے کرسچئین ٹیکنیکل ٹریننگ انسٹیٹیوٹ رائیونڈ میں بطور کلینر کام شروع کیا جو کہ مسیحی برادری کا ایک معزز اور کمیونٹی کا معاون ادارہ ہے
جو کہ بشپ آف رائیونڈ ڈایوسیس کے زیر انتظام ہے جس کے سربراہ بشپ آزاد مارشل ہیں جو کہ ایک نیک انسان ہیں اور مسیحی برادری کے روحانی پیشوا بھی ہیں
میں نے 2019 سے اگست 2024 تک نہایت ایمانداری سے اپنی ڈیوٹی سرانجام دی اسی دوران 27 مئی 2024 کو میرے والد فوت ہو گئے اور چھٹیوں کے بعد میں ڈیوٹی پر پہنچا تو پرنسپل ذیشان نے مجھے جھاڑنا اور زدوکوب کرنا شروع کر دیا کہ تم نے 3 چھٹیاں کیوں کی ہیں ایک چھٹی ہی کافی تھی جس پر میں نے جواب دیا کہ میرے والد فوت ہو گئے تھے لہذہ رسومات کیلئے 3 دن کی چھٹی لازم ہے اور میں نے ادارے کو بتا کر چھٹیاں کی ہیں جو کہ میرا حق ہے اس بات پر پرنسپل ذیشان سیخ پا ہو گیا اور مجھ سے عداوت رکھنے لگا اور بات بات پر مجھے جھڑکنا شروع کر دیا جس کی وجہ سے دلبرداشتہ ہو کر میں نے مورخہ 11/8/24 کو اپنا استعفیٰ پرنسپل ذیشان کو پیش کیا جس نے میرا استعفیٰ قبول نا کیا تو میں نے پرنسپل کے نمبر پر استعفیٰ واٹس ایپ کر دیا اور اپنی ایک ماہ کی بقایا تنخواہ کا مطالبہ کیا تو پرنسپل نے کہا کہ میں نے تمہارا استعفی قبول ہی نہیں کیا تو تنخواہ کیسی لہذہ جہاں تک تمہارا زور لگتا ہے لگا کر دیکھ لو میں نے تنخواہ نہیں دینی اور آج دن تک تنخواہ دینے سے انکاری ہے
لہذہ میری بشپ ڈاکٹر آزاد مارشل اور لیبر ڈیپارٹمنٹ قصور و لاہور سے استدعا ہے کہ مجھ غریب پر رحم کیا جائے اور میری ایک ماہ کی تنخواہ مجھے لے کر دی جائے

قصور
خوفناک حادثہ،ایک شحض جانبحق،5 شدید زخمی

تفصیلات کے مطابق گزشتہ رات لاہور قصور روڈ المعروف فیروز پور پر مصطفی آباد للیانی کے قریب پکی حویلی کے مقام پر ایک خوفناک حادثہ پیش آیا جس میں ایک T 3500مزدا ڈالہ فٹ پاتھ سے ٹکرا کر الٹ گیا جس کے نتیجے میں ایک شحص جان بحق جبکہ پانچ افراد شدید زحمی ہو گئے
واقع کی اطلاع ملتے ہی ریسکیو 1122 کی ٹیمیں فوری موقع پر پہنچ گئیں جنہوں نے ڈیڈ باڈی اور زحمیوں کو بلھے شاہ ہسپتال منتقل کر دیا جہاں زخمیوں کا علاج جاری ہے
حادثہ تیز رفتاری کے باعث پیش آیا

قصور
بلھے شاہ ہسپتال قصور میں ایڈز کے عالمی دن کے موقع پر سیمینار کا انعقاد کیا گیا،شرکاء کی طرف سے لوگوں کو بچاؤ کی آگاہی دی گئی

تفصیلات کے مطابق بلھے شاہ ہسپتال قصور میں ایچ ائی وی یعنی کہ ایڈز کا عالمی دن منایا گیا
ایڈز کے عالمی دن کے موقع پر ایڈز پہ کام کرنے والے تمام اداروں نے شمولیت اختیار کی جس میں بلخصوص سی ای او ہیلتھ قصور، پرنسپل نرسنگ کالج قصور اور ڈسٹرکٹ انچارج نئی زندگی ٹرسٹ قصور محمد احمد رضا نے اپنی ٹیم کے ہمراہ شرکت کی اور سیمینار سے خطاب کیا
بلھے شاہ ہسپتال میں جاری سیمینار میں ایڈز کی روک تھام کے لئے کی جانے والی کاوشوں کا ذکر کیا اور واک میں شامل شرکاء کو ایڈز کی روک تھام، اس کے علاج اور اس سے پھیلنے کی وجوہات کے بارے میں اگاہی دی گئی
شرکاء کا کہنا تھا کہ ایچ ائی ایڈز کی روک تھام کے لئے عوام کو اس کے بارے میں اگاہی دی جانا بہت ضروری ہے
شرکاء نے عوام سے اپیل کی کہ دی گئی ہدایات پر عمل کرکے خود بھی ایڈز سے بچیں اور اپنے پیاروں کو بھی بچائیں تاکہ ایک صحت مند معاشرہ پروان چڑھے