Category: خانیوال

خانیوال( نمائندہ باغی ٹی وی)

اسی سلسلے میں بھارتی مظالم کو دنیا کے سامنے بے نقاب کرنے کے لئے احتجاجی ریلی کا انعقاد کیا گیا۔ ریلی کے اختتام پر ایک جلسہ بھی منعقد کیا گیا۔جلسے کے مہمان خصوصی ڈپٹی کمشنر خانیوال آغا ظہیر عباس شیرازی ،ڈی پی خانیوال محمد علی وسیم ،چوہدری خالد جاوید آرائیں تھے ۔کشمیریوں سے اظہار یکجہتی کے لئے جناح لائبریری تا ٹی چوک ایک ریلی نکالی گئی جبکہ اس سے قبل ایک منٹ کی خاموشی بھی اختیار کی گئی اور قومی ترانہ بجانے کے بعد ریلی کا باقاعدہ آغاز کیا گیا۔ ریلی شرکا نے کشمیریوں سے اظہار یکجہتی کے لئے پلے کارڈز اٹھا رکھے تھے جبکہ شرکا کی جانب سے انڈین مظالم کے خلاف شدید نعرے بازی بھی کی گئی۔مقررین نے کہا کہ ہماری منزل کشمیر ہے اور کشمیر پاکستان کا حصہ ہے۔مقررین نے کہا کہ ہم اقوام متحدہ کے چارٹر کے مطابق کشمیر کے الحاق پاکستان کے ساتھ چاہتے ہیں۔اس موقع پر ڈی پی او خانیوال آغا ظہیر عباس شیرازی ،ضلعی پولیس آفیسر محمد علی وسیم ،رہنما پاکستان تحریک انصاف چوہدری خالد جاوید آرائیں اور ایم پی اے فیصل اکرم خان نیازی بھی موجود تھے۔

خانیوال( نمائندہ باغی ٹی وی)صوبائی وزیر لائیو سٹاک و ڈیری ڈویلپمنٹ حسنین بہادر خان دریشک نے اچانک عارضی مویشی منڈی کبیروالا کا دورہ کیا اور وہاں پر کورونا ایس او پیز پر عملدرآمد کا جائزہ لینے کیساتھ انتظامات چیک کئیے – اور منڈی میں بیوپاریوں ، خریداروں کے لئے سہولیات اور ان انہیں کورونا وائرس سے محفوظ رکھنے کے لئے اقدامات پر اطیمنان کا اظہار کیا – صوبائی وزیر نے کاؤنٹرز برائے ریسکیو 1122، لائیو سٹاک، طبی امداد پر بھی سہولیات کا جائزہ لیا اور سٹاف کی حاضری چیک کی – صوبائی وزیر نے منڈی میں تعینات کئے جانے والے ٹائیگرز فورس رضا کاروں سے بھی ملاقات کی اور کورونا کیخلاف جنگ میں ان کے کردار کو سراہا-صوبائی وزیر منڈی میں بیوپاریوں اور خریداروں سے بھی ملے اور ان سے سہولیات بارے دریافت کیا-اس موقع پر میڈیا سے گفتگو کرتے ہوئے حسنین بہادر دریشک نے کہا کہ بغیر ماسک کسی کو منڈی میں داخل نہ ہونے دیا جائے گی ہینڈ سینی ٹائزرز کے استعمال کو بھی یقینی بنایا جائے – شہری کورونا کا پھلائو روکنے کے لئے منڈیوں میں داخلہ کے لئے ایس او پیز پر عمل کریں- اسسٹنٹ کمشنر کبیروالا غلام مصطفی نے صوبائی وزیر کو بریفنگ دی- ڈی جی لائیوسٹاک بھی صوبائی وزیر کے ہمراہ تھے-

خانیوال (نمائندہ باغی ٹی وی )سیکرٹری آرکائیوز طاہر یوسف نے انسداد کورونا ،ڈینگی ،گندم خریداری مہم اور ٹڈی دل کے خلاف کیے جانے والے اقدامات کا جائزہ لینے کے لئے خانیوال کا دورہ کیا اور ڈپٹی کمشنر آفس میں ایک اجلاس کی صدارت کی ایڈیشنل ڈپٹی کمشنر ریونیو محمد اکرام ملک اور اے ڈی سی جی محمداختر منڈھیرا نے صوبائی سیکرٹری کو ضلعی انتظامیہ کے اقدامات بارے تفصیلی بریفنگ دی ۔اجلاس میں محکمہ صحت ،خوراک، مارکیٹ کمیٹی سمیت دیگر سرکاری محکموں کے افسران نے شرکت کی ۔صوبائی سیکرٹری نے اس موقع پر کہا کہ کورونا کا خطرہ ابھی ٹلا نہیں اس لیے ایس او پیز پر پہلے ہی طرح عمل کیا جائے ۔گندم خریداری مہم آخری دانہ تک جاری رکھی جائے ۔ایڈیشنل ڈپٹی کمشنر ریونیو محمد اکرام ملک نے بریفنگ دیتے ہوئے بتایا کہ ضلع خانیوال میں محکمہ خوراک نے گندم خریداری مہم کا 76 فیصد ہدف حاصل کر لیا ہے ضلع میں ناجائز منافع خوری پر اب تک 20 دکانداروں کو گرفتار کرکے 16 ایف آئی آرز درج کرائی گئی ہیں اور 1248ناجائز منافع خوروں کو 24 لاکھ 58 ہزار روپے کے جرمانے کیے گئے انہوں نے مزید بتایا کہ کورونا کے ضلع میں 24 کیسز سامنے آئے ہیں جن میں سے ،18 کو ٹیسٹ نیگیٹو آنے پر گھر بھیج دیا گیا ہے-

ٹھٹھہ صادق آباد (نمائندہ باغی ٹی وی )پرائس کنٹرول مجسٹریٹ کی گراں فروشی منافع خوری پر کاروائیاں،3 قصابوں کو 30 ہزار جرمانہ عائد، ایک قصاب کو 7 دن کے لیے جیل بھجوا دیا، کاروائی کے خوف سے متعدد فرار،تفصیلات کے مطابق ٹھٹھہ صادق آباد سے مختلف لوگوں کی شکایت پر پرائس کنٹرول مجسٹریٹ مظہر کلیم نے خفیہ طور پر قصابوں کی دکانوں سے خریداری ک،گوشت مہنگا بیچنے پر ٹھٹھہ صادق آباد ،پل بتیس اور پل پنجو پر پرائس کنٹرول مجسٹریٹ مظہر کلیم نے دو قصابوں کو دس ،دس ہزار کے جرمانے عائد کیے جبکہ ایک کو سات دن کے لئے جیل بجھوا دیا گیا ہے۔ پرائس کنٹرول مجسٹریٹ کی کارروائی کی اطلاع پر متعدد قصاب دکانیں چھوڑ کر فرار ہوگئے،یاد رہے کہ باغی ٹی وی گران فروشی اور زخیرہ اندوزی کے خلاف متعلقہ اداروں کو آگاہ کرتا رہتا ہے.

ٹھٹھہ صادق آباد (نمائندہ باغی ٹی وی ) مین ہولز کے ڈھکن غائب ہوگئے ادارے بے خبر ،شہری خوار،

تفصیلات کے مطابق ضلع خانیوال کی سب تحصیل ٹھٹھہ صادق آباد کے مین بخاری بازار، موبائل مارکیٹ اور پیٹیاں والا بازار کے مین ہولز کے ڈھکن غائب ہیں جن کی وجہ سے راہ گیروں اور اہلیان محلہ کے لئے مشکلقت بڑھ گئی ہیں حادثات کا خطرہ بھی موجود ہے جبکہ آبادی کے لئے سب سے زیادہ مسائل ہیں۔مین ہولز کے ڈھکن نہ ہونے کی وجہ سے مین ہولز کے اندر بچوں کے گرنے کے خدشات زیادہ ہیں۔اہلیان محلہ اور شہریوں نے متعلقہ اداروں اور حکام سے نوٹس لینے کا مطالبہ کیا ہے۔

خانیوال( نمائندہ باغی ٹی وی )پٹرولیم مصنوعات کی قیمتوں میں کمی کے بعد سبزیوں اور پھلوں کے نچلی سطح تک آنے والے نرخ کنٹرول میں رکھنے کیلئے ضلعی انتظامیہ کی جانب سے سبزی اور فروٹ منڈیوں میں بولی کی مانیٹرنگ سخت کردی گئی ہے -اور ڈپٹی کمشنر روزانہ منڈی جاکر نرخوں کا جائزہ لے رہے ہیں – اس سلسلہ میں ڈپٹی کمشنر آغا ظہیر عباس شیرازی اور ڈی پی او محمد علی وسیم نے چھٹی کے باوجود دوپہر کے وقت منڈی کا دورہ کیا اور سبزیوں پھلوں کی بولی کا جائزہ لیا انہوں نے مارکیٹ کمیٹی حکام کو نرخ مستحکم رکھنے کے لئے مسلسل مانیٹرنگ کی ہدایت بھی کی- ڈپٹی کمشنر کا اس موقع پر کہنا تھا کہ عام مارکیٹ میں کم نرخ کا فائدہ ہر صورت صارفین تک پہنچایا جائے ڈی پی او نے کہا کہ پٹرولیم مصنوعات کی قیمتوں میں کمی کے ثمرات عام آدمی تک ہر صورت پہنچنے چاہئیں-