کندھ کوٹ ،باغی ٹی وی (مختیاراعوان نامہ نگار) این آئی سی وی ڈی چیسٹ پین یونٹ میں نہ صرف کشمور بلکہ دوسرے علاقوں کے مریضوں کامفت علاج ہوگا- احسان الرحمان مزاری
تفصیل کے مطابق این آئی سی وی ڈی کراچی کی ٹیم تعلقہ اسپتال کشمور پہنچی اور ہسپتال میں چیسٹ پین یونٹ کی عمارت کا معائنہ کیا۔
اس موقع پر ایم پی اے حاجی عبدالرؤف خان کوسو،ڈپٹی کمشنر کشمور منور علی مٹھیانی، ایم ایس کشمور اور محکمہ صحت کے متعلقہ افسران موجود تھے۔این آئی سی وی ڈی کی ٹیم کو ایم ایس نے تعلقہ ہسپتال کا دورہ کرایا۔اس موقع پر وفاقی وزیر احسان الرحمان مزاری، این آئی سی وی ڈی کے فوکل پرسن ناصر بھٹو نے میڈیا سے گفتگو کرتے ہوئے کہا کہ این آئی سی وی ڈی حکومت سندھ کا ایک بہترین ادارہ ہے، جس میں پورے ملک کے دل کے مریضوں کو مفت علاج کی سہولت فراہم کی جارہی ہے اس کے علاوہ سندھ کے مختلف شہروں میں NICVD کے جدید سہولیات سے مزین چیسٹ پین یونٹ قائم کئے گئے ہیں جو کہ بزرگ مریضوں کے لیے ایک بڑی سہولت ہے۔کشمور تعلقہ میں بھی NICVD چیسٹ پین یونٹ کا جلد افتتاح کیا جائے گا۔
