تفصیلات کے مطابق گورنمنٹ سید چراغ شاہ کالج برائے خواتین قصور نے امتحانی نتائج میں 74 فی صد کامیابی کے ساتھ قصور شہر کے سرکاری کالجز میں پہلی پوزیشن حاصل کی، اکیڈمک سٹاف کی کرکٹ ٹیم نے ضلع بھر میں پہلی پوزیشن حاصل کر کے ٹرافی جیت لی
تفصیلات کے مطابق گورنمنٹ سید چراغ شاہ ایسوسی ایٹ کالج برائے خواتین کوٹ مراد خان قصور نے ایسوسی ایٹ ڈگری پروگرام (سائنس اور آرٹس) کے امتحانی نتائج میں 74 فی صد کامیابی حاصل کر کے شہر بھر کے سرکاری کالجز میں پہلی پوزیشن حاصل کر لی ہے
اس اعزاز کا اعلان کالج پرنسپل ایسوسی ایٹ پروفیسر مسز اسماء عبدالقدوس کھوکھر نے میڈیا کے لئے جاری کردہ بیان میں کیا ہے
نصابی سرگرمیوں کے ساتھ ساتھ کالج ہذا کی اکیڈیمک سٹاف، لیکچررز اور پروفیسرز، کی کرکٹ ٹیم نے ہائیر ایجوکیشن ڈیپارٹمنٹ کی جانب سے منعقد کیے گئے Teachers’ Sports کے موقع پر ضلع بھر میں پہلی پوزیشن حاصل کر کے ٹرافی بھی جیت لی ہے
یاد رہے کہ حال ہی میں فرسٹ ایئر کے داخلوں کے ٹارگٹ سے 37 فی صد زائد داخلے کرنے پر پنجاب حکومت نے پرنسپل مسز اسماء عبدالقدوس کھوکھر کو ایک انعامی شیلڈ، پونے دو لاکھ روپیہ اور ایک تعریفی سرٹیفکیٹ جاری کرنے کا اعلان کیا ہے
