کراچی

آپ کی تجاوزات سے شہر ڈوب رہا ہے،وزیراعلیٰ سندھ شہریوں پر برس پڑے

5 سال قبل
5 سال قبل

باغی ٹی وی کی رپورٹ کے مطابق شہر قائد کراچی میں بارش کے بعد ہونیوالے نقصان کے دوسرے روز وزیراعلیٰ سندھ مراد علی شاہ نے شہر کا دورہ کیا

وزیراعلیٰ سندھ سید مراد علی شاہ نے شہر کے مختلف علاقوں کا دورہ کیا، شاہراہ فیصل نرسری بس اسٹاپ کے قریب نکاسی آب کے کام کا جائزہ لیا، مراد علی شاہ کا کہنا تھا کہ شاہراہ فیصل سے پانی کی نکاسی کردی گئی ہے تاہم گلیوں میں پانی موجود ہے، چنیسر ہالٹ کے قریب عمارت بننے سے پانی کا قدرتی بہاﺅ متاثر ہوا ہے، ایم ڈی واٹر بورڈ ماسٹرپلان کا جائزہ لیکر رپورٹ دیں کہ کون سی عمارتیں ہیں جن کے بننے سے پانی کی نکاسی میں مشکلات ہیں، ڈرگ روڈ انڈر پاس سے پانی کی نکاسی نہیں ہوسکی ہے۔

وزیراعلیٰ سندھ سید مراد علی شاہ نے راشد منہاس انڈر پاس کے قریب بیٹھ جانے والی سڑک کی فوری مرمت کا حکم بھی دیا، انہوں نے ملیر ندی اور یار محمد گوٹھ کا دورہ بھی کیا اور عوامی شکایات سنیں، اس موقع پروزیر اعلیٰ سندھ سید مراد علی شاہ شہریوں پر برس پڑے اور کہا کہ آپ کی تجاوزات سے شہر ڈوب رہا ہے، ملیر ندی کے پاٹ میں گھر بنائے گئے ہیں، آغا ٹاون کے نام پر ملیر ندی آپ نے بلاک کی ہے۔

وزیراعلیٰ نے یوسف گوٹھ کا دورہ کرکے ریلیف کاموں کا جائزہ لیا،ان کا کہنا تھا کہ لوگ بے گھر ہوئے ہیں، انتظامیہ متاثرین کی مدد کیلئے اقدامات کررہی ہے

کراچی میں طوفانی بارشوں نے تباہی مچادی جس کے باعث نظام زندگی مکمل طورپردرہم برہم ہوگیا۔ شہرمیں متعدد سڑکیں اورشاہراہیں ایک بار پھر تالاب کا منظر پیش کررہی ہیں جس سے عوام کو شدید مشکلات کا سامنا ہے۔

سندھ رینجرز کا کہنا ہے کہ شہری مدد کے لیے 1101 ہیلپ لائن یا 9001111-0347 پر بذریعہ واٹس ایپ رابطہ کریں۔ سندھ رینجرزکی جانب سے ریلیف اور ریسکیو آپریشن جاری ہے جب کہ رینجرز متاثرہ علاقوں میں خوراک کی فراہمی کے لیے این جی اوز کے ساتھ تعاون کررہی ہے۔ترجمان ایدھی فانڈیشن کے مطابق ایدھی کنٹرول روم کی ہیلپ لائن بجلی نہ ہونے کی وجہ سے متاثرہوگئی ہے لیکن ایدھی کی کشتیاں اب بھی خدمات سر انجام دینے میں مصروف عمل ہیں تاہم بارش کے پانی کی وجہ سے ایدھی کنٹرول روم میں پانی بھر گیا۔

بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی

اکثر ارکان اسمبلی ڈیفنس اور کلفٹن کے رہائشی ہیں انہیں پتا ہی نہیں کہ کراچی کے عوام کے مسائل کیا ہیں،حافظ نعیم الرحمان

پاک بحریہ کا کراچی میں بارش سے متاثرہ علاقوں میں سرچ ، ریسکیو اینڈ ریلیف آپریشن

کراچی بارش، وزیراعلیٰ سندھ کا پھنسے شہریوں کو سکولوں میں منتقل کرنے کا حکم

کراچی میں بارش سے نقصان پر وزیراعظم کا تشویش کا اظہار، گورنر سندھ کو دیا بڑا حکم

بلوچستان میں بارشوں سے زمینی رابطے منقطع،بچہ ڈوب کا جاں بحق،9 اضلاع میں ایمرجنسی نافذ

حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک

کراچی میں بارش کے باعث مختلف سڑکیں ٹوٹ پھوٹ کا شکار

کراچی،بارش کا پانی سرکاری عمارتوں میں داخل،الخدمت کی امدادی سرگرمیاں جاری

شدید بارشوں کے باعث کئی لوگ مختلف مقامات پر پھنسے ہیں، آرمی فلڈ ایمرجنسی کنٹرول سینٹر کراچی میں قائم کردیا گیا ہے۔ پاک فوج کے شعبہ تعلقات عامہ (آئی ایس پی آر) کے مطابق شدید بارشوں کے باعث سندھ کے کئی علاقے زیر آب آئے ہیں، کراچی اور حیدرآباد میں ریلیف اور ریسکیو آپریشن جاری ہے، کراچی کے علاقوں گلبرگ، لیاقت آباد، نیو کراچی میں میڈیکل کیمپ قائم کردیا گیا ہے۔

آئی ایس پی آر کے مطابق کراچی کے 36 سے زائد مقامات پر بارش کا پانی نکالنے کا کام جاری ہے، کراچی میں 10 ہزار سے زائد افراد میں تیار کھانا تقسیم کیا گیا۔ آئی ایس پی آر کا کہنا ہے کہ ناردرن بائی پاس کے پاس ایم 9 پر حفاظتی بند قائم کردئیے گئے ہیں، انجینئرز کے ملیر، سعدی ٹاؤن، گرڈ اسٹیشن پر تین ڈی واٹرنگ پلانٹ کام کررہے ہیں۔

سندھ میں سیلابی صورتحال سے نمٹنے کے لیے این ڈی ایم اے کا آپریشن ریسکیو جاری

Shares:

مزید خبریں