ڈھاکا: بنگلادیشی وزیراعظم حسینہ واجد کے حکم پر خواجہ سراؤں کی علیحدہ مسجد کی تعمیر کے لیے فراہم کردہ زمین پر مسجد تعمیر کردی گئی۔
باغی ٹی وی : عالمی خبر رساں ادارے کے مطابق خواجہ سراؤں کی تنظیم کے سربراہ نے بنگلادیشی حکومت کا شکریہ ادا کرتے ہوئے کہا کہ اب ہم آزادانہ طور پر اپنے رب کی باجماعت عبادت کرسکتے ہیں، ہمیں مساجد میں داخل ہونے نہیں دیا جاتا تھا اور ہم گھر پر ہی نماز کی ادائیگی پر مجبور تھے تاہم اب ہم اللہ کے گھر میں اس کی عبادت کرسکتے ہیں جس کا ثواب دگنا ہوگا-
واضح رہے کہ بنگلادیش میں اس سے قبل ایک این جی او نے خواجہ سراؤں کےلیےایک مدرسہ اسکول بھی بنایا تھا جس میں مذہبی تعلیم کے ساتھ بنیادی انگریزی، حساب اور سائنس کی تعلیم بھی دی جاتی تھی، بنگلادیش میں سرکاری طور پر خواجہ سراؤں کو اپنی شنا خت اپنے جینڈر کے اعتبار سے کروانے کی اجازت ہے، کئی خواجہ سرا سیاست میں بھی سرگرم ہیں۔
