کرکٹر ہردیک پانڈیا نے منگل کے روز ان خبروں کی تردید کی جس میں دعویٰ کیا گیا تھا کہ دبئی سے واپسی پر ممبئی ائیر پورٹ پر ان کے پاس سے 5 کروڑ مالیت کی دو رسٹ واچ ضبط کی گئیں-
باغی ٹی وی : بھارتی خبررساں ادارے این ڈی ٹی وی کے مطابق منگل کو خبر رساں ایجنسی اے این آئی کی ایک رپورٹ میں کہا گیا تھا کہ اتوار کی رات کو کسٹم ڈپارٹمنٹ نے دو گھڑیاں ضبط کیں کیونکہ مسٹر پانڈیا کے پاس مبینہ طور پر ان کا بل نہیں تھا۔
— hardik pandya (@hardikpandya7) November 16, 2021
ان الزامات کی تردید کرتے ہوئے، مسٹر پانڈیا نے ٹویٹر پر ایک بیان میں کہا ہے کہ "میں رضاکارانہ طور پر ممبئی ائیر پورٹ کے کسٹم کاؤنٹر پر اپنے ذریعہ لائے گئے سامان کو چیک کروانے اور مطلوبہ کسٹم ڈیوٹی ادا کرنے گیا تھا ممبئی ائیر پورٹ پر کسٹم کے سامنے میری چیکنگ کے بارے میں سوشل میڈیا پر غلط تاثرات پھیل رہے ہیں اور میں اس کے بارے میں وضاحت کرنا چاہوں گا کہ کیا ہوا۔”
بھارتی کرکٹر نے کہا کہ "میں نے رضاکارانہ طور پر ان تمام اشیاء کا اعلان کیا تھا جو میں نے دبئی سے قانونی طور پر خریدی تھیں اور جو بھی ڈیوٹی ادا کرنے کی ضرورت تھی وہ ادا کرنے کے لیے تیار ہوں۔ میں ڈیوٹی کے لیے مناسب تشخیص کر رہا ہوں جس کی ادائیگی کی میں نے پہلے ہی تصدیق کر دی ہے-
ہردیک پانڈیا نے مزید کہا کہ "سوشل میڈیا پر گردش کرنے والی افواہوں کے مطابق گھڑی کی قیمت تقریباً 1.5 کروڑ روپے ہے نہ کہ 5 کروڑ روپے۔ میں ملک کا ایک قانون پسند شہری ہوں اور میں تمام سرکاری اداروں کا احترام کرتا ہوں۔ ممبئی کے کسٹم ڈپارٹمنٹ سے تعاون اور میں نے انہیں اپنے مکمل تعاون کا یقین دلایا ہے اور اس معاملے کو کلیئر کرانے کے لیے جو بھی جائز دستاویزات درکار ہوں وہ انہیں فراہم کروں گا۔ میرے خلاف قانونی حدود کو پار کرنے کے تمام الزامات بالکل بے بنیاد ہیں۔”
واضح رہے کہ ہردیک پانڈیا ٹی 20 ورلڈ کپ سے فارغ ہونے کے بعد دبئی سے بھارت واپس آرہے تھے اے این آئی کے مطابق، ہردیک پانڈیا کے بھائی، کرکٹر کرونل پانڈیا کو بھی ممبئی انٹرنیشنل ایئرپورٹ پر گزشتہ سال نامعلوم سونا اور دیگر قیمتی اشیاء رکھنے کے شبہ میں روکا گیا تھا۔
