بھارتی مرکزی بینک کی 18 ممالک کو بھارت کرنسی میں تجارت کی سہولت
نئی دہلی: ہندوستانی روپیہ اب عالمی سطح پر اپنی شناخت بنا رہا ہے کیونکہ 18 ممالک نے روپے میں تجارت کرنے پر اتفاق کیا ہے۔
باغی ٹی وی: "دی نیوز” کے مطابق عالمی اقتصادی سست روی کے درمیان دنیا بین الاقوامی مارکیٹ کو ڈالر سے کم کرنے کی کوشش کر رہی ہے اور ہندوستان تاجراب ملکی روپے میں ادائیگی کرکے دوسرے ممالک سے سامان درآمد کر سکیں گے روپے میں بین الاقوامی تجارتی ادائیگی کا تصفیہ ’’خصوصی روپی ووسٹرو اکاؤنٹس ‘‘کے ذریعے کیا جائے گا ووسٹرو اکاؤنٹ جو ہندوستانی بینکوں میں کھولا جائے گا۔
دنیا کے امیر ترین لوگوں کی آرٹیفشل انٹیلیجنس کی مدد سے بنائی گئی تصاویر وائرل
بھارت کے مرکزی بینک نے اب تک 18 ممالک بوٹسوانا، فجی، جرمنی، گیانا، اسرائیل، کینیا، ملائیشیا، ماریشس، میانمار، نیوزی لینڈ، عمان، روس، سیشلز، سنگاپور، سری لنکا، تنزانیہ، یوگنڈا، اور برطانیہ کے ساتھ اس خصوصی اکاؤنٹ کے انتظام کی اجازت دی ہے۔ان ممالک کی بڑھتی ہوئی شرکت سے بین الاقوامی کرنسی کے طور پر روپےکی گرفت مضبوط ہو گی-
یہ ممالک اس رقم کو ہندوستانی کمپنیوں میں سرمایہ کاری کرنے اور ہندوستان سے سامان اور خدمات خریدنے میں استعمال کریں گے۔ اس سے تجارت سے متعلقہ لین دین کے اخراجات کم ہوں گے اور تجارت کو فروغ ملے گا یہ پہلی بار نہیں ہے کہ ہندوستانی روپیہ عالمی سطح پر جا رہا ہے۔
ہندوستان روپیہ کو تصفیہ اور انوائسنگ کرنسی کے طور پر استعمال کرنے والے بہت سے ممالک کے سب سے اہم تجارتی شراکت داروں میں سے ہے، اس سے بین الاقوامی منڈی میں ان تاجروں کو درپیش شرح مبادلہ کے خطرات میں کمی آئے گی۔
آئر لینڈ کے ڈبلن ائیرپورٹ پرغیرمتوازن لینڈنگ کے دوران پرواز کو حادثہ،رن وے بند
اس سے ہندوستان کا تجارتی خسارہ بھی کم ہوگا۔ بھارت کا تجارتی خسارہ، جو کہ برآمدی مائنس درآمد ہے، اپریل 2022 سے جنوری 2023 تک 233 بلین ڈالر تھا۔ اس کے ساتھ، بھارت مزید برآمد کرنے کے قابل ہو جائے گا کیونکہ مزید ممالک روپے میں تجارت کرنے کو تیار ہیں۔ یہ نیپال اور بھوٹان جیسے جنوبی ایشیائی ممالک کے ساتھ تجارت کو فروغ دے گا۔
اس کے علاوہ، یہ مالیاتی منڈیوں کی ترقی کو فروغ دے گابرکس ممالک نے پہلے ہی مغربی دنیا کی طرف سے روس پر عائد پابندیوں کے بعد بین الاقوامی منڈی میں ڈالر کو کم کرنے کی کوشش کی ہےاس سے چین کو امریکہ کے ممکنہ متبادل کے طور پر ابھرنے کا موقع ملا۔
امریکا میں نامعلوم شخص کا نماز فجر کے دوران امام مسجد پر چاقو حملہ
