اسلام آباد: اینٹی نارکوٹکس فورس(اے این ایف) اوراے ایس ایف نے مشترکہ کارروائی کرتے ہوئے نیواسلام آباد انٹرنیشنل ائیرپورٹ سے سعودی عرب منشیات اسمگل کرنے کی کوشش ناکام بنا دی۔
باغی ٹی وی : اے این ایف حکام کے مطابق پی آئی اے کی پرواز سے سعودی عرب کے دارالحکومت ریاض جانے والے مسافر عادل خان کے سامان کی اسکینگ کی گئی تو حکام نے اسے مشکوک قراردیا۔
ایف آئی اے کی کاروائی،بلیک میلنگ میں ملوث دو ملزمان گرفتار
ترجمان اے این ایف کے مطابق سامان کوکھول کرچیک کیا گیا تو کٹنگ بورڈ کے اندرچھپائی گئی ایک کلو گرام ہیروئن برآمد ہوئے کوہاٹ سے تعلق رکھنے والے ملزم عادل خان کوگرفتارکرکے انسداد منشیات ایکٹ کے تحت مقدمہ درج کرلیا گیا۔ ملزم سے مزید تفتیش جاری ہے۔
اے این ایف بلوچستان نے ماشکیل کے علاقے میں ایف سی بلوچستان کے ساتھ مشترکہ کارروائی کرتے ہوئے بھاری مقدار میں منشیات برآمد کر لی برآمدشدہ منشیات میں 1200 کلوگرام افیون، 160 کلوگرام چرس اور 1 ہزار لیٹر ایسیٹک اینہائیڈرائڈ (ہیروئین کی تیاری میں استعمال ہونے والاکیمیائی مواد) شامل ہیں برآمدشدہ منشیات ایک غیر آباد علاقے میں ذخیرہ کی گئی تھی ،اے این ایف اور منشیات اسمگلروں کے درمیان فائرنگ کا تبادلہ بھی ہوا، تاہم کوئی جانی نقصان نہیں ہوا ،اطلاعات کے مطابق برآمدہ منشیات گوادر کے راستے بیرون ملک اسمگل کی جانی تھی ،برآمدہ منشیات اے این ایف پولیس سٹیشن منتقل کر کے مزید تحقیقات کا آغاز کر دیاتھا-
بلوچستان کے علاقے ماشکیل سے بھاری مقدار میں منشیات برآمد
قبل ازیں اے این ایف انٹیلیجنس اور اے این ایف راولپنڈی نے جہلم میں مشترکہ کارروائی کے دوران بھاری مقدار میں منشیات برآمد کی تھی جہلم کی تحصیل سوہاوہ بس اسٹاپ کے قریب تلاشی کے دوران گاڑی سے 7 کلوگرام چرس برآمد ہوئی برآمد شدہ منشیات کی 4 کلوگرام مقدارگرفتار ملزمہ کے ذاتی قبضے، جبکہ 3 کلوگرام مقدار گاڑی کے خفیہ خانوں سے برآمد کی گئی گاڑی میں سوار3 ملزمان جن میں راولپنڈی کے رہائشی ثاقب علی، بہزاد حیدر اور لاہور کی رہائشی نسرین بی بی نامی شامل ہیں کو گرفتار کیا گیا تھا-
