اسلام آباد: وفاقی دارالحکومت اسلام آباد سمیت ملک کے مختلف شہروں سے حاصل کیے گئے ماحولیاتی نمونوں میں پولیو وائرس کی تصدیق ہوئی ہے۔
باغی ٹی وی :وزارت صحت کے حکام کے مطابق کراچی، اسلام آباد، پشاور اور کوئٹہ سمیت ملک کے مختلف شہروں کے ماحولیاتی نمونوں میں پولیو وائرس کی تصدیق ہوئی ہے، جن دیگر شہروں سے حاصل کیے گئے نمونوں میں پولیو وائرس کی تصدیق ہوئی ہے ان میں حیدرآباد، سکھر، جیکب آباد، سبی، ضلع اوکاڑہ اور کوہاٹ شامل ہیں، پاکستان میں اس سال اب تک 46 ماحولیاتی نمونوں میں پولیو وائرس پایا گیا تاہم اس سال اب تک پاکستان میں پولیو سے کوئی بچہ معذور نہیں ہوا۔
