پاکستان مسلم لیگ (نواز) کی سینئر نائب صدر اور چیف آرگنائزر مریم نواز شریف سے پاکستان میں آسٹریلیا کے ہائی کمشنر نیل ہاکنز کی ملاقات ہوئی ہے جبکہ مریم نواز شریف نے رائیونڈ آمد پر آسٹریلوی ہائی کمشنر کا استقبال کیا اور ملاقات میں دوطرفہ دلچسپی کے امور پر تبادلہ خیال کیا گیا ہے.
https://x.com/pmln_org/status/1701956588574019996
جبکہ مریم نواز شریف نے اس موقع پر کہا کہ پاکستان اور آسٹریلیا کے درمیان مثبت، تعمیری اور قریبی دوستانہ تعلقات خوش آئیند ہیں اور قدرتی آفات اور ہر مشکل میں آسٹریلیا کی حکومت اور عوام نے پاکستان کا مخلصانہ ساتھ دیا جس پر شکریہ ادا کرتے ہیں.
علاوہ ازیں مریم نواز شریف کا کہنا تھا کہ آسٹریلیا میں مقیم پاکستانی دونوں ممالک کی دوستی کو مزید مظبوط بنانے میں اہم کردار ادا کر رہے ہیں اور پاکستان اور آسٹریلیا کے درمیان طویل المدتی تعلقات مضبوط بنیادوں پر استوار ہیں جبکہ پاکستان مسلم لیگ (ن) آسٹریلیا کے ساتھ پاکستان کے تعلقات کو بہت اہمیت دیتی ہے.
ان کا مزید کہنا تھا کہ ماضی کی طرح مستقبل میں بھی دونوں ممالک کے تعلقات میں وسعت لائیں گے، تجارت، سرمایہ کاری، تعلیم سمیت مختلف شعبوں میں تعلقات کو مزید فروغ دیں گے جبکہ مریم نواز شریف نے آسٹریلیا میں زیر تعلیم پاکستانی طالب علموں کو سہولیات کی فراہمی پر آسٹریلوی حکومت کا شکریہ ادا کیا اور آسٹریلیا کے ہائی کمشنر نے ملاقات کے لئے وقت دینے پر مریم نواز شریف کا شکریہ ادا کیا اور پارٹی قیادت اور ان کے لئے نیک تمناؤں کا اظہار کیا.
