بھارتی ہائی کمیشن کے سینئر سفارتکار کی دفتر خارجہ طلبی

لائن آف کنٹرول پر سیز فائر کی خلاف ورزی پر پاکستان میں بھارتی ہائی کمیشن کے سینئر سفارتکار کی دفتر خارجہ طلبی.ترجمان دفتر خارجہ کے مطابق پاکستان نے بھارتی سینئر سفارتکار کو سیز فائر کی خلاف ورزی پر شدید احتجاج ریکارڈ کرایا۔ ترجمان کے مطابق بھارتی افواج نے 5 ستمبر کو ایل او سی کے رکھ چکری سیکٹر پر شہری آبادی کو نشانہ بنایا۔بھارتی افواج کی بلااشتعال فائرنگ سے ایک شہری شدیدزخمی ہوا۔ رواں برس بھارتی افواج 2 ہزار 158 بار سیز فائر کی خلاف ورزیاں کر چکی ہیں۔ ترجمان دفتر خارجہ کے مطابق رواں برس بھارتی افواج کی فائرنگ سے 17 شہری شہید اور 168 زخمی ہوئے۔