وزیراعظم سے ممکنہ این آر او کیلیے بلاول امریکا پہنچ گئے

پیپلز پارٹی کے چیئرمین بلاول زرداری امریکا پہنچ گئے وہ فائیو سٹار ہوٹل میں قیام کریں گے ،عمران خان کے امریکا کے دورہ سے قبل بلاول امریکا میں این آر او کی کوشش کے لئے ملاقاتیں کریں گے

وزیراعظم کے دورہ امریکا سے قبل بلاول زرداری اچانک امریکا روانہ

باغٰی ٹی وی کی رپورٹ کے مطابق پیپلز پارٹی کے چیئرمین بلاول زرداری امریکا پہنچ گئے ہیں ،بلاول زرداری گزشتہ روز نیو یارک پہنچے ہیں وہ نیویار ک کے فورسیزن ہوٹل میں قیام کریں گے. بلاول زرداری فلائٹ EK203 کی فرسٹ کلاس میں نیو یارک پہنچے ہیں.

عمران خان کے دورہ امریکا کو سبوتاژ کرنیکا بھارتی منصوبہ،حسین حقانی بھی متحرک

باغی ذرائع کے مطابق بلاول زرداری وزیراعظم عمران خان کے دورہ سے قبل امریکا اس لئے گئے ہیں تا کہ اپنے والد سابق صدر آصف زرداری کو جیل سے نکلوائیں، بلاول این آر او کے لئے کوشش کریں گے، اس ضمن میں حسین حقانی نے بلاول کی امریکیوں سے ملاقاتیں طے کی ہیں،. بلاول زرداری ممکنہ این آر او کی کوشش کریں گے. پیپلز پارٹی کے چیئرمین بلاول زرداری اس لئے پہلے امریکا گئے و ہ چاہتے ہیں کہ امریکا میں کسی تھرڈ پارٹی کے ذریعے این آر او لینے کی کوشش کی جائے.

وزیراعظم کے دورہ امریکا پر کتنے ہزار ڈالر خرچ ہوں گے؟ مراد سعید نے بتا دیا

بلاول کے امریکا پہنچنے پر پیپلز پارٹی کے درجنوں کارکنان نے ان کا استقبال کیا. بلاول نیویارک کی ہوٹل میں قیام کریں گے،. ممکنہ این آر او کے حوالہ سے بلاول زرداری ملاقاتیں کریں گے تا کہ آصف زرداری اور فریال تالپور سے کیسز ختم ہوں.

دورہ امریکہ سے متعلق قیاس آرائیاں‌، وزیر اعظم عمران خان نے کس طرح کی حقیقت واضح؟ اہم خبر

باغی‌ ذرائع کے مطابق این آر اوکے حوالہ سے امریکا میں مقیم پیپلز پارٹی کے کارکنان میں باز گشت سنائی دی ہے، پی پی کے کارکنان کا کہنا ہے کہ بلاول این آر او کے لئے ہی امریکا آئے ہیں ، بلاول کو ایئر پورٹ سے ٹیکسی پر ہوٹل تک چھوڑنے والے ٹیکسی ڈرائیور نے باغی ٹی وی سے خصوصی گفتگو کرتے ہوئے کہا کہ بلاول کو میں نے ہوٹل تک چھوڑا ہے بلاول زرداری کے استقبال کے لئے آنے والے کارکنا ن نے بھی مجھے بتایا کہ بلاول این آر او کے لئے امریکا آئے ہیں.

واضح رہے کہ سابق صدر آصف زرداری کو نیب نے جعلی اکاؤنٹس کیس میں گرفتار کر رکھا ہے، آصف زرداری کی ہمشیرہ فریال تالپور کو بھی نیب نے گرفتار کر رکھا ہے دونوں نیب کے پاس جسمانی ریمانڈ پر ہیں، آصف زرداری پر اسوقت درجنوں کیسز چل رہے ہیں.

واضح رہے کہ وزیراعظم عمران خان نے بیس جولائی کو امریکا کا دورہ کرنا ہے، وزیراعظم عمران خان کے دورے کی امریکا نے بھی تصدیق کی، وزیراعظم عمران خان کی دورے میں امریکی صدر ڈونلڈ ٹرمپ سے بھی ملاقات ہو گی. اس موقع پر وزیر خارجہ شاہ محمود قریشی بھی ان کے ہمراہ ہوں‌ گے.

وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکہ جانے کا فیصلہ کیا. چند دن قبل وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی تھی جس میں‌ وزیراعظم عمران خان کے آئندہ دورہ امریکہ سے متعلق تبادلہ خیال ہوا تھا.