اسلام آباد؛ پولیس اور شہریوں تصادم

اسلام آباد میں پولیس اور علاقہ مکینوں کا تصادم، کئی افراد زخمی

اسلام آباد میں قبضہ مافیا کے خلاف آپریشن کے دوران پولیس اور علاقہ مکینوں کے درمیان تصادم ہوگیا جس میں کئی افراد زخمی ہوگئے جبکہ دارالحکومت کے نواحی علاقے میں قبضہ مافیا کے خلاف سی ڈی اے کا آپریشن ہوا، اس دوران وفاقی پولیس اور علاقہ مکین آمنے سامنے آئے۔
https://x.com/ICT_Police/status/1703709683947557356
پولیس اور علاقہ مکینوں کے درمیان تصادم میں متعدد افراد زخمی ہوئے جب کہ کئی گاڑیوں کو شدید نقصان پہنچا۔ جبکہ پولیس کے مطابق سنیاڑی گاوں میں قبضہ مافیا کے خلاف سی ڈی اے، ضلعی انتظامیہ کا آپریشن ہوا اور اسلام آباد پولیس نے آپریشن کے لیے سی ڈی اے اور ضلعی انتظامیہ کی معاونت کی۔ آپریشن کے دوران قبضہ مافیا کی طرف سے پولیس پر فائرنگ اور پتھراو کیا گیا۔
مزید یہ بھی پڑھیں؛
سانحہ بلدیہ ٹاؤن:طلبی کے باوجودعدالت سیکرٹری داخلہ اور آئی جی کے پیش نہ ہونے پر برہم
پیٹرول کی بڑھتی قیمتوں پر فنکاروں کا رد عمل
اسلام آباد پولیس اور غیر ملکی شہریوں کے درمیان جھگڑا؟
پولیس نے دعویٰ کیا کہ فائرنگ سے پولیس سب انسپکٹر طاہر نیازی زخمی ہوگئے۔ پتھراؤ سے متعدد اہلکار زخمی، متعدد گاڑیوں کو نقصان پہنچا، زخمیوں کو ہسپتال منتقل کردیا گیا ہے جبکہ قانون ہاتھ میں لینے والوں کے خلاف قانونی کارروائی عمل میں لائی جائے گی ۔ ایس ایس پی آپریشنز بھاری نفری کے ہمراہ موقع پر موجود ہیں اور پولیس کی بھاری نفری بھی موقع پر پہنچی جس کی جانب سے شہریوں پر شیلنگ کی گئی