پنجاب کی ترقی میں مریم نواز کی قیادت کلیدی کردار ادا کر رہی ہے،سفیر آذربائیجان

لاہور: وزیرِ اعلیٰ پنجاب مریم نواز شریف سے پاکستان میں آذربائیجان کے سفیر خضر فرہادوف نے ملاقات کی-

باغی ٹی وی: دوطرفہ تعلقات، تجارتی روابط، ثقافتی تبادلوں، اور مختلف شعبوں میں تعاون بڑھانے پر تبادلہ خیال کیا آذربائیجان کے سفیر نے وزیراعلی مریم نواز کو آذربائیجان کے دورے کی دعوت دی مریم نواز نے دورے کی دعوت قبول کرلی دونوں ممالک کے درمیان تجارتی اور سرمایہ کاری کے مواقع کے فروغ کے لیے مشترکہ کاوشوں پر اتفاق کیا گیا اور دونوں رہنماؤں نے ثقافتی اور تعلیمی تعلقات کو مزید مضبوط بنانے کے عزم کا اعادہ کیا-

وزیرِ اعلیٰ مریم نواز نے جاری ترقیاتی منصوبوں اور عوامی فلاح و بہبود کے اقدامات پر آذربائیجان کے سفیر کو آگاہ کیا آذربائیجان کے سفیر خضر فرہاد نے عوامی فلاح و بہبود کے پراجیکٹس کو سراہا کیا کہ وزیر اعلیٰ مریم نواز شریف نے محمد نواز شریف اور محمد شہباز شریف کے عوامی خدمت کے ایجنڈے کو کامیابی سے آگے بڑھایا ۔

فتنہ الخوارج کی پنجاب میں آن لائن بھرتی مہم کا نیٹ ورک پکڑا گیا

وزیر اعلیٰ مریم نواز شریف نے آذربائیجان کے سفیر کو پنجاب میں سرمایہ کاری کی دعوت دی آذربائیجان کے سفیر کی جانب سے پنجاب میں سرمایہ کاری کے مختلف شعبوں میں دلچسپی کا اظہار کیا گیا-

مریم نواز شریف نے کہا کہ آذربائیجان کے صدر کا حالیہ دورہ دو طرفہ تعلقات کے فروغ کے لئے کلیدی حیثیت رکھتا ہے- پاکستان اور آذربائیجان کے تعلقات برادرانہ ہیں،تعاون کو مزید مضبوط کرنے کی وسیع بے پناہ گنجائش ہے تعلیم، صحت، زراعت، اور توانائی کے شعبے میں تعاون کو مزید فروغ دیا جا سکتا ہے۔

جو 9 مئی کے واقعات میں ملوث ہو، وہ امن کی بات کیسے کر سکتا ،گورنر خیبر پختونخوا

مریم نواز شریف نے کہا کہ آذربائیجان کے سرمایہ کاروں کو مراعات کا اسپیشل پیکج دیا جائے گا سیاحت کے شعبہ میں آذربائیجان کے تجربے سے مستفید ہونا چاہتے ہیں ،پنجاب کو ریجنل ٹریڈ کا ہب بنانے کے لئے کوشاں ہیں –

سفیر خضر فرہادوف نے کہا کہ آذربائیجان پاکستان کو اپنا قریبی دوست اور برادر ملک سمجھتا ہے، پنجاب کی ترقی میں مریم نواز شریف کی قیادت کلیدی کردار ادا کر رہی ہے۔

پیٹرولیم مصنوعات کی قیمتوں میں اضافے کا امکان