ممبئی: بھارتی میڈیا میں سُپراسٹار سلمان خان اور اداکارہ سوناکشی سنہا کی خفیہ شادی کی خبریں وائرل ہورہی ہیں –

باغی ٹی وی :بالی ووڈ کے سلطان سلمان خان شادی نہ کرنے کی خبروں کی وجہ سے اکثر میڈیا کی توجہ کا مرکز بنے رہتے ہیں۔ تاہم اس بار سلمان خان کی خفیہ شادی کی خبر نے مداحوں کو شدید حیرت میں مبتلا کردیا ہے۔

ویب سیریز’مسٹر اینڈ مسز شمیم‘ رواں ماہ ریلیز کی جائے گی

بھارتی میڈیا کے مطابق سوشل میڈیا پر سلمان خان اور اداکارہ سوناکشی سنہا کی شادی کی تصویر وائرل ہورہی ہے تصویر میں دونوں دلہا دلہن بنے ایک دوسرے کو شادی کی انگوٹھی پہنارہے ہیں۔

سلمان اور سوناکشی کی یہ تصویر دیکھتے ہی دیکھتے وائرل ہوگئی اور لوگ سوشل میڈیا پر چہ مگوئیاں کرنے لگے کہ سلمان خان اور سوناکشی سنہا نے خفیہ شادی کرلی ہے۔ تاہم اس خبرکی حقیقت صرف ایک افواہ کے سوا کچھ نہیں ہے-

بھارتی میڈیا کا سلمان خان کی خفیہ شادی کے حوالے سے کہنا ہے کہ سلمان خان اور سوناکشی سنہا کی یہ تصویر جعلی ہے اور اسے فوٹوشاپ پر ایڈیٹ کرکے جان بوجھ کر وائرل کیا گیا ہے لہذا سلمان خان اور سوناکشی سنہا کی خفیہ شادی محض ایک افواہ ہے اور کچھ نہیں۔

عامر خان اور فاطمہ ثنا شیخ خفیہ طور پر شادی کے بندھن میں بندھ گئے؟

واضح رہے کہ یہ پہلی بار نہیں ہے جب کسی اداکار کی تصویر ایڈیٹنگ سافٹ ویئر پر ایڈٹ کرکے اس کی خفیہ شادی کی افواہیں پھیلائی گئی ہوں کچھ ماہ قبل م بالی ووڈ سپر اسٹار عامر خان اور اداکارہ فاطمہ ثنا شیخ کی تصویر بھی ایڈٹ کر کے دونوں کی خفیہ تیسری شادی کی خبریں پھیلائی گئی تھیں۔

تاہم سوشل میڈیا پر وائرل کی گئی تصویر دراصل عامر خان اور ان کی سابق دوسری بیوی کرن راؤ کی تھی جو انہوں نے ایک منگنی کی تقریب میں کھنچوائی تھی کسی نے اس تصویر کو ایڈٹ کرکے اس میں کرن راؤ کی جگہ فاطمہ ثنا شیخ کا چہرہ لگادیا تھا-

کامیڈین شکیل صدیقی کی گاڑی گھر کے باہر سے چوری ہو گئی