Baaghi TV

Tag: drama artist

  • سلیبرٹیز اقراء عزیز کی دیوانی کیوں؟

    سلیبرٹیز اقراء عزیز کی دیوانی کیوں؟

    اقراء عزیز ایک منجھی ہوئی اداکارہ ہیں انہوں نے نہایت ہی کم عرصے میں اپنا نام اور مقام بنایا ، انہوں نے اپنے ہر دوسرے پراجیکٹ سے ثابت کیا کہ وہ ایک منجھی ہوئی اداکارہ ہیں. ان کے ساتھ کام کرنے والے فنکار ان کے کام کے دیوانےہیں انہوں نے کم عمر میں‌شادی کی اور ان کا ایک بیٹا ہے، اقراء اپنے کام اور گھر میں نہایت ہی مہارت کے ساتھ بیلنس رکھتی ہیں. اقراء عزیز کے حوالے سے بات کرتے ہوئے مدیحہ رضوی نے کہا کہ میں تو اقراء کو دیکھ کر حیران ہوتی ہوں، وہ جتنی ذمہ دار ہے گھر اور کام کو اتنی چھوٹی عمر میں‌ جس طرح مینج کرتی ہے وہ کمال ہے.

    فریال محمود نے کہا کہ اقراء کی اداکاری رونگھٹے کھڑے کر دیتی ہے. اسی طرح سے عاظم اظہر نے کہا کہ اقراء کے ساتھ کام کرکے بہت اچھا لگتا ہے وہ حقیقت کے قریب اداکاری کرتی ہیں جو کہ ان کے ساتھی کے لئے بھی ایک چلینج ہوتا ہے اس کے ساتھ کام کرنے والا ان کو دیکھ کر بہتر اداکاری کرنے کی کوشش میں‌لگ جاتا ہے، صبا قمر نے بھی ایک پروگرام میں اقراء عزیز کی تعریف کی اور کہا کہ وہ بہترین اداکارہ ہیں.یاد رہے کہ اقراء نے یاسر حسین کے ساتھ شادی کی اور ان کا ایک بیٹا بھی ہے.

  • فیصل کے لیے لڑکیاں دیوانگی دکھاتی ہیں تو فخر محسوس کرتی ہوں ثناء فیصل

    فیصل کے لیے لڑکیاں دیوانگی دکھاتی ہیں تو فخر محسوس کرتی ہوں ثناء فیصل

    فیصل قریشی جو کہ ایک بڑی فین فالونگ رکھتے ہیں انہوں نے ثناء سے شادی کی ہے۔ ثناء سوشل میڈیا پر کافی متحرک رہتی ہیں، دونوں نے حال ہی میں ایک انٹرویو دیا جس میں ان سے سوال ہوا کہ فیصل پر لڑکیاں مرتی ہیں آپ جیلس ہوتی ہیں ؟ اس کے جواب میں ثناء نے کہا کہ میں بالکل جیلس نہیں ہوتی بلکہ فخر محسوس ہوتا ہے کہ ساری دنیا جس پہ مرتی ہے وہ میرے پیچھے ہے۔ انہوں نے کہا کہ ہماری شادی کو اسی سال اگست میں 13 سال ہوجائیں گے، اور ہم ایک خوش وخرم زندگی بسر کررہے ہیں، ہمارے درمیان کبھی بھی ایسی لڑائی نہیں ہوئی کہ ایک

    دوسرے کے ساتھ بول چال ہی بند کر دیں۔انہوں نے یہ بھی کہا کہ ہمارے درمیان جو چھوٹے موٹے اختلافات ہوتے ہیں وہ ہر گھر میں ہوتے ہیں اور ایسا ہونا نیچرل ہے۔ میں فیصل سے ہر بات کھل کر کرتی ہوں اور میری توقع ہوتی ہے کہ فیصل بھی کھل کر بات کریں اپنے مسائل میرے ساتھ ڈسکس کریں ، ہر خوشی غم میرے ساتھ شئیر کریں۔ثناء نے کہا کہ فیصل ایک اچھے شوہر ہیں بہت خیال رکھتے ہیں اور جن باتوں پہ غصہ آنا چاہیے انہی پہ ان کو غصہ آتا ہے۔ مجھے انکو سکرین پر دیکھ کر بہت اچھا لگتا ہے۔فیصل کی سکرپٹس کو لیکر چوائس بہت اچھی ہے اور خوشی ہوتی ہے کہ ان کے ہر پراجیکٹ کو آڈینز پسند کرتے ہیں۔ فیصل بہت ساروں کے رول ماڈل ہیں اور میرے لیے یہ چیز باعث فخر ہے۔

  • میرے بھائیوں نے کبھی مجھے بہن کی کمی محسوس نہیں ہونے دی حرامانی

    میرے بھائیوں نے کبھی مجھے بہن کی کمی محسوس نہیں ہونے دی حرامانی

    ٹی وی اداکارہ حرا مانی نے حال ہی میں انسٹاگرام پر ایک تصویر شئیر کی ہے اس کا کیپشن انہوں نے کچھ یوں لکھا ہے کہ میرے بھائیوں نے کبھی مجھے بہن کی کمی محسوس نہیں ہونے دی ، اس تصویر میں دیکھا جا سکتا ہے کہ ایک بھائی حرا کو کنگن پہنا رہا ہے دوسرا بھائی جوتا پہنا رہا ہے ، اس تصویر کو دیکھ کر اندازہ لگایا جا سکتا ہے کہ حرا مانی کے بھائی واقعتا ان سے بہت محبت کرتےہیں. حرا مانی نے یہ تصویر جب سوشل میڈیا پر شئیر کی تو ان کے مداحوں نے اس تصویر کو بہت سراہا اور خوبصورت کمنٹس کئے. اس پوسٹ پر حرا مانی کے شوبز کے

    ساتھیوں نے بھی کمنٹس کئے اور ان کو دعا دی کہ ہمیشہ آپ سب بہن بھائیوں کا پیار بنا رہے.واضح رہے کہ حرامانی بہت ہی خوش مزاج لڑکی ہیں وہ ہر وقت ہنستی مسکراتی رہتی ہیں گوکہ ڈراموں میں وہ روتی دھوتی نظر آتی ہیں لیکن وہ ذاتی زندگی میں کافی چلبلی ہیں. وہ اکثر سوشل میڈیا پر اپنی تصاویر شئیر کرتی رہتی ہیں. اور کبھی کبھار تنقید کی زد میں بھی آجاتی ہیں. لیکن حرامانی تنقید کرنے والوں کو خاطر میں نہیں لاتیں.

  • میں عیسائی نہیں مسلمان ہوں یشما گل

    میں عیسائی نہیں مسلمان ہوں یشما گل

    اداکارہ یشما گل نے اپنے حالیہ انٹرویو میں کہا ہے کہ میرے بارے میں ہمیشہ ہی کچھ نہ کچھ غلط پھیلایا جاتا ہے، چونکہ میرے نام کےساتھ گل آتا ہے اسلئے میرے بارے میں مشہور کر دیا گیا کہ میں عیسائی ہوں. حالانکہ میں ایک مسلمان گھرانے میں‌پیدا ہوئی اور میرا مذہب اسلام ہے. انہوں نے کہا کہ میری زندگی میں ایک وقت ایسا بھی آیا کہ جب میں زندگی سے مایوس ہو چکی تھی . اس وقت میں نے اپنے مذہب کو پڑھا اور سمجھا. اس سے پہلے مجھے صرف نماز پڑھنی آتی تھی ، لیکن جب مذہب کو پڑھا اور سمجھا تو دلی سکون محسوس ہوا. انہوں نے کہا کہ انسان ڈپریشن میں بہت آگے تک چلا جاتا ہے میرا بھی یہی حال تھا لیکن میں نے خود پر قابو پایا. انہوں نے کہا کہ میں نے ہمیشہ

    کوشش کی ہے کہ ایسے کردار کروں جو شائقین کو پسند آئیں . میں صرف مثبت ہی نہیں‌منفی کردار بھی کرتی ہوں مجھے جو آفر اچھی ملے اسکو قبول کر لیتی ہوں یہ سوچے بغیر کہ اس میں میرا کردار مرکزی ہے یا ثانوی . انہوں نے کہا کہ میرے پاس بہت اچھے پراجیکٹس ہیں جو آن ائیر ہونے والے ہیں یقینا شائقین کو ضرور پسند آئیں گے.

  • ہماری اداکارائیں ساتھیوں کو دھوکہ دیتی ہیں فیصل قریشی

    ہماری اداکارائیں ساتھیوں کو دھوکہ دیتی ہیں فیصل قریشی

    اداکار فیصل قریشی نےاپنے ایک حالیہ ٹی وی شو میں کہا ہے کہ ہماری انڈسٹری کی اداکارائیں اپنے ہی ساتھیوں کو دھوکہ دیتی ہیں جوکہ بہت ہی غلط بات ہے. انہوں نے اس بات کو جسٹیفائی کرنے کےلئے ایک واقعہ سنایا اور کہا کہ ایک بار ہماری ایک دوست جو کہ ہیروئین تھیں انہوں نے بتایا کہ اس کی انڈسٹری میں بہت ساری دوستیں ہیں اور ایک تو اسکے بہت ہی قریب تھی. اس نے اسے ہر اس آٍفر کو لینے سے منع کیا جو اچھی تھی ، وہ اپنی سہیلی سے کہتی کہ فلاں ڈرامہ بھی نہ کرنا فلاں بھی نہ کرنا. ایک بار ایسا ہوا کہ اس نے اپنی دوست سے کہا کہ جو تمہیں ڈرامہ آفر ہوا

    ہے اسے بالکل نہ کرنا اس کی سہیلی نے منع کر دیا ہوا یوں کہ جب وہ ڈرامہ آن ائیر گیا تو وہی سہیلی جس نے اپنی سہیلی کوڈرامہ کرنے سے منع کیا تھا وہ اس میں ایکٹنگ کرتی ہوئی نظر آئی. یوں فیصل قریشی نے بتایا کہ کس طرح‌سے انڈسٹری کی لڑکیاں دوستی کے نام پر دوسروں کو دھوکہ دیکر اپنا الو سیدھا کرتی ہیں. انہوں نے کہا کہ میرے ساتھ بھی بہت بار ایسا ہوا کہ میرے زریعے اپنے کام سیدھے کئے گئے لیکن میں نے اس لئے شورنہیں مچایا کہ چلو میرے نام سے کسی کو فائدہ ہو رہا ہے تو کوئی بات نہیں.

  • جاپان میں منشا پاشا کے سیر سپاٹے

    جاپان میں منشا پاشا کے سیر سپاٹے

    اداکارہ منشا پاشا جنہوں نے ٹی وی کے ساتھ ساتھ بڑی سکرین پر بھی اپنے فن کا جادو جگایا ، وہ آج کل جاپان ہیں اور وہاں وہ خوب سیر سپاٹے کررہی ہیں، منشا پاشا مسلسل جاپان سے اپنی وڈیو اور تصاویر سوشل میڈیا پر جا ری کررہی ہیں جن کو دیکھ کر محسوس کیا جا سکتا ہے کہ اداکارہ جاپان کا دورہ بہت انجوائے کررہی ہیں. انہوں نے سوشل میڈیا پر کھانے پینے کی تصاویر شئیر کیں اس کے علاوہ انہوں نے جاپان یونیورسل اسٹوڈیوز کا دورہ کیا اور اس دورے کی یادگاری کو کیمرے کی آنکھ میں محفوظ کرکے اپنے مداحوں کے ساتھ شئیر کیا. یہی نہیں منشا پاشا نے

    جاپان کے جراسک پارک کا بھی دورہ کیا، مصنوعی جھیل میں کشتی کی سیر کی۔منشا پاشا کی ان تصاویر اور وڈیوز کو سوشل میڈیا پر خوب پذیرائی مل رہی ہے اور شائقین ان تصاویر اور وڈیوز پر طرح طرح کے دلچپسپ کمنٹس کررہے ہیں. یاد رہے کہ منشا پاشا نے معروف وکیل جبران ناصر کے ساتھ شادی کی ہے اور دونوں ہنسی خوشی زندگی بسر کررہے ہیں . منشا پاشا جلد ہی دلاور ملک کی ہدایتکاری میں بننے والے ڈرامے میں نظر آئیں گی.

  • اب مجھے کوئی پراجیکٹ آفر نہیں ہوتا صنم سعید نے ایسا کیوں کہا ؟‌

    اب مجھے کوئی پراجیکٹ آفر نہیں ہوتا صنم سعید نے ایسا کیوں کہا ؟‌

    پاکستان شوبز انڈسٹری کی معروف اداکارہ صنم سعید جنہوں نے ڈراموں میں اپنی اداکاری کے جوہر دکھا کر شائقین سے ہمیشہ ہی بہت داد سمیٹی. انہوں نے حال ہی میں کہا ہے کہ میں اگر کسی پراجیکٹ کو رد کرتی ہوں تو یہ نہیں سوچا جاتا کہ شاید میرے پاس تاریخیں نہیں‌ہوں یا میں کہیں مصروف ہوں گی یا کردار کہانی میری توقعات کے مطابق نہیں‌ہوگا . بلکہ یہ سوچا جاتا ہے کہ میں تو انکار ہی کروں‌گی. انہوں نے کہا کہ یہی وجہ ہے کہ اب میرے پاس کردار آتے ہی نہیں لوگوں کو لگنے لگ گیا ہے کہ میں تو ہر حال میں رد کر دوں گی اور کام نہیں کروں گی . حالانکہ

    ایسا نہیں ہے . میں کرداروں اور پراجیکٹس کے معاملے میں بہت زیادہ سلیکشن سے کام لیتی ہوں. اگر کوئی چیز پسند نہیں آئی تو میں‌نہیں‌کرتی چاہے کچھ بھی ہو اداکاری پر کمپرومائز نہیں‌کرتی کیونکہ مجھے لگتا ہے کہ اچھی اداکاری اور کردار لوگوں کو پسند رہ جاتے ہیں اس لئے نہایت ہی سوچ سمجھ کر انتخاب کرنا چاہیے اور سوچ سمجھ کر انتخاب کرنے میں بالکل بھی برائی نہیں ہے. یاد رہے کہ صنم سعید نے ڈراموں کے ساتھ ساتھ فلموں میں بھی کام کیا ہے لیکن فلموں میں انہیں زیادہ پذیرائی نہیں مل سکی.

  • مجھے نہیں لگتا تھا میری شادی ہو گی سوہائے علی آبرو

    مجھے نہیں لگتا تھا میری شادی ہو گی سوہائے علی آبرو

    سوہائے علی آبرو جنہوں نے کم عرصے میں اپنا نام اور اپنی ایک خاص پہچان بنائی انہوں نے ڈراموں کے ساتھ ساتھ فلموں میں بھی اپنی اداکاری کے جوہر دکھائے اور خوب داد سمیٹی . انہوں نے اپنے ایک انٹرویو میں کہا ہے کہ مجھے لوگ کہا کرتے تھے ہمیں‌نہیں لگتا کہ تم شادی کرو گی اور مجھے بھی ایسا ہی لگتا تھاکہ میری شادی ہو گی یا میں شادی کروں گی لیکن اللہ نے قسمت میں‌لکھا ہوا تھا لہذا میری شادی ہو گئی اور سارے معاملات بہت اچھے سے ہو گئے. میں اپنے شوہر کو 17 سال کی عمر سے جانتی تھی ، ہم دونوں کے کچھ میوچل فرینڈز تھے لہذا ہمارا ملنا

    جلنا رہتا تھا ، ہم ایک دوسرے سے ملتے رہتے تھے ، اور ایک دوسرے کو پسند بھی کرتے تھے. کافی سال گزرنے کے بعد ہمیں لگا کہ ہمیں‌ ایک دوسرے کے ساتھ شادی کر لینی چاہیے تو ہم نے شادی کر لی اور میں ایک بہت اچھی زندگی گزار رہے ہیں. میں بہت خوش ہوں کہ اللہ نے مجھے ایک بہت ہی اچھا جیون ساتھی دیا ہے. سوہائے نے کہا کہ مجھے شاید میرے شوہر سے بہتر کوئی ساتھی مل ہی نہیں سکتا تھا ہم ایک دوسرے کی عادات کو پہلے سے اچھی طرح جانتے تھے.

  • کیا یاسر حسین نے فیروز خان پر طنز کی ؟‌

    کیا یاسر حسین نے فیروز خان پر طنز کی ؟‌

    اداکار و میزبان یاسر حسین نے حال ہی میں ایک انٹرویو دیا ہے اس میں انہوں نے کہا ہے کہ ہمارے ڈراموں کی کہانیاں اس قسم کی بن رہی ہیں کہ ان میں شوہروں کو بیویوں کی پٹائی کرتے ہوئے دکھایا جارہا ہے. شوہر بیوی پر ظلم کررہا ہے اسکو مار پیٹ رہا ہے زلیل کررہا ہے نہ اسکو عزت دے رہا ہے لیکن بیوی کو اسی سے محبت ہوتے ہوئے بھی دکھائی جا رہی ہے یہ غلط چیز ہے اسکو پرموٹ نہیں‌کیا جانا چاہیے. یاسر حسین نے کہا کہ شاید شوہر بیویوں کی پٹائی ڈرامے دیکھ کر ہی کررہے ہیں انہوں نے کسی بھی اداکار کا نام تو نہیں لیا لیکن سوشل میڈیا پر کہا جا رہا ہے کہ شاید یاسر حسین نے فیروز خان کو یہ بات لگائی ہے. یاسر حسین نے یہ بھی کہا کہ پاکستان میں سنر شپ

    صرف فلموں پر ہی ہے ڈراموں کی طرف کوئی نہیں آتا یہاں جو دل میں آئے دکھایا جا رہا ہے. رشتوں کی دھجیاں اڑائی جا رہی ہیں. کم از کم ڈراموں پر کچھ تو چیک اینڈ بیلنس ہونا چاہیے جس کا جو دل کررہا ہے وہ دکھا رہا ہے یہاں سنسر شپ کیوں نہیں ہے؟ سارا زور صرف فلموں پر ہی کیوں چلتا ہے؟‌یاسر نے کہا کہ میں ایسی کہانیوں کو بالکل پرموٹ کرنے کے حق میں نہیں جن میں رشتوں کا تقدس پامال کیا جائے.

  • عائزہ کو پہلے بار دیکھا تو پلکیں نہ جھپک سکا دانش تیمور

    عائزہ کو پہلے بار دیکھا تو پلکیں نہ جھپک سکا دانش تیمور

    دانش تیمور نے اپنے حالیہ انٹرویو میں اداکارہ عائزہ خان کے حوالے سے بات کرتے ہوئے کہا کہ وہ بہت خوبصورت اور حسین تھیں اور ہیں، انہوں نے کہا کہ میں عائزہ خان کو پہلی بار ایک ایڈ ایجنسی میں ملا ہم دونوں وہاں پر گئے تھے ۔ میں نے جب عائزہ کو دیکھا تو دیکھتا ہی رہ گیا اور پلکیں نہیں جھپک سکا وہ اس قدر پیاری تھی ۔میں نے محسوس کیا کہ یہ تو سکرین پر وہ نظر آتی ہی نہیں جو یہ ہے۔ انہوں نے کہا کہ میں نے کبھی بھی عائزہ کو یہ احساس نہیں ہونے دیا کہ میں بہت بڑا سٹار ہوں اور تم کچھ نہیں ہو۔ ہماری دوستی ہوئی ہم نے شادی کرلی ۔انہوں نے کہا کہ عائزہ جتنی اچھی اداکارہ ہیں اس سے کہیں اچھی بیوی اور ماں ہیں وہ نہایت ہی ذمہ دارا خاتون ہیں۔ انہوں نے

    شوبز انڈسٹری میں اپنی صلاحیتوں کے بل پر اپنا نام بنایا۔ میں بہت خوش ہوتا ہوں کہ وہ آج اس ملک کی سپر سٹار ہیں۔ یاد رہے کہ عائزہ خان اور دانش تیمور نے محبت کی شادی کی اور دونوں کے دو بچے بھی ہیں اور یہ دونوں ایک خوشگوار زندگی گزار رہے ہیں۔ یاد رہے کہ عائزہ خان کے ویسے تو بہت سارے ڈرامے ہیں لیکن میرے پاس تم نے مقبولیت کی ایک تاریخ رقم کردی، دانش تیمور نے بڑی سکرین پر کام کیا ہے جبکہ عائزہ نے بڑی سکرین پر قسمت نہیں آزمائی ۔