Tag: press conference

باغی ٹی وی کی رپورٹ کے مطابق آڈیو لیکس کا سلسلہ جاری ہے اور اب تحریک انصاف کی رہنما ، سابق صوبائی وزیر صحت ڈاکٹر یاسمین راشد اور سی سی پی او لاہور غلام محمود ڈوگر کی آڈیو لیک ہوئی ہے

غلام ڈوگر اورڈاکٹر یاسمین راشد کے درمیان مبینہ گفتگو کی آڈیو سنی جا سکتی ہے، سی سی پی او ڈوگر کہتے ہیں کہ سپریم کورٹ میں ہمارے بندے بیٹھے ہوئے ہیں، کام ہو جائے گا ،یاسمین راشد کہتی ہیں کہ خان صاحب پوچھ رہے ہیں کہ آج رات ہماری رات خاموشی سے گزر جائے گی؟ جس پر ڈوگر کہتے ہیں کہ جی سپریم کورٹ میں ہمارے بندے بیٹھے ھوئے ہیں، آج آرڈر سائن ہو کر آ جائے گا۔

آڈیو سننے سے واضح ہوتا ہے کہ ڈوگر کو کال ڈاکٹر یاسمین راشد نے کی ، غلام محمود ڈوگر ڈاکٹر یاسمین راشد کو سلام کرتا ہے، جس کے بعد یاسمین راشد پنجابی میں ڈوگر سے حال احوال پوچھتی ہیں، یاسمین راشد کہتی ہیں کہ کوئی اچھی خبر بتائیں، آرڈر ہو گئے جس پر ڈوگر کہتے ہیں کہ نہیں ابھی تک آرڈر نہیں ملے،یاسمین راشد کہتی ہیں کہ انکا ارادہ کیا ہے،؟ میں ویسے پوچھ رہی ہوںَ جس پر ڈوگر کہتے ہیں کہ نہیں نہیں وہ تو سپریم کورٹ سے آرڈر ہونے ہیں،

یاسمین راشد کہتی ہیں کہ خان صاحب کافی کنسرن تھے، تو میں نے انکو کہا کہ میری اطلاع کے مطابق ابھی تک انکو آرڈر نہیں ملے،یاسمین راشد ڈوگر سے پوچھتی ہیں کہ آج رات ہماری خاموشی سے گزر جائے گی؟ ویسے ہی پوچھ رہی ہوں، جس کے جواب میں ڈوگر کہتے ہیں کہ اللہ خیر کرے، اللہ کرم کرے گا،

آڈیو وائرل ہونے کے بعد سوشل میڈیا پر ردعمل سامنے آ رہا ہے، ن لیگی رہنما حنا پرویز بٹ سماجی رابطے کی ویب سائٹ ٹویٹر پر ٹویٹ کرتے ہوئے کہتی ہیں کہ ڈاکٹر یاسمین راشد اور سی سی پی او لاہور ڈوگر کی آڈیو لیک نے ثابت کر دیا کہ غلام محمود ڈوگر پی ٹی آئی کے کارکن ہیں اور ان کا تبادلہ بالکل درست ہوا تھا،

ڈاکٹر یاسمین راشد اور سی سی پی او لاہور ڈوگر کی آڈیو لیک نے ثابت کر دیا کہ غلام محمود ڈوگر پی ٹی آئی کے کارکن ہیں اور ان کا تبادلہ بالکل درست ہوا تھا۔۔۔۔

— Hina Parvez Butt (@hinaparvezbutt) February 18, 2023

ن لیگ کے ترجمان ٹویٹر اکاؤنٹ سے کہا گیا ہے کہ جس نے جیل بھرو تحریک چلانی ہے، وہ روز رات کو پولیس سے تسلیاں لے کر سوتا ہے کہ اسے گرفتار نہیں کیا جائے گا۔

جس نے جیل بھرو تحریک چلانی ہے، وہ روز رات کو پولیس سے تسلیاں لے کر سوتا ہے کہ اسے گرفتار نہیں کیا جائے گا۔ https://t.co/XYdqEvuvy3

— PMLN (@pmln_org) February 18, 2023

آڈیو پر ڈاکٹر یاسمین راشد نے نجی ٹی وی سے بات کرتے ہوئے کہا ہے کہ آڈیو لیک کرنے والے شرم کریں

خواجہ سرا کے روٹھنے پر خود کو آگ لگانے والا پریمی ہسپتال منتقل

آڈیو لیکس، عمران خان گھبرا گئے،زمان پارک میں جاسوسی آلات نصب ہونے کا ڈر، خصوصی سرچ آپریشن

‏عمران خان دی بندہ کی عزت کرسکدا اے….فواد چودھری کی آڈیو لیک

پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں

علی امین گنڈاپور اور امتیاز نامی شخص کے مابین آڈیو لیک

عمران خان کی جاسوسی، آلات برآمد،کس کا کارنامہ؟

لاہور میں خواجہ سرا کو قتل کر دیا گیا

 سارہ گِل نے پاکستان کی پہلی خواجہ سرا ڈاکٹر کا اعزاز اپنے نام کرلیا ہ

خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

عمران خان نے جیل بھرو تحریک شروع کرنے کیلئے تاریخ کا اعلان کردیا

سابق وزیراعظم اور چیئرمین پاکستان تحریک انصاف (پی ٹی آئی) عمران خان نے بدھ سے جیل بھرو تحریک کے آغاز کا اعلان کردیا۔ ویڈیو لنک کے ذریعے خطاب کرتے ہوئے عمران خان کا کہنا تھا کہ پنجاب اور خیبرپختونخوا کی اسمبلیاں تحلیل ہونے کے بعد 90 روز میں الیکشن ہونے چاہئیں لیکن انتخابات کے انعقاد کا کوئی امکان نظر نہیں آرہا، دو صوبوں کے گورنر اور الیکشن کمیشن آئین پر عمل درآمد نہیں کر رہے۔

انہوں نے کہا کہ پی ڈی ایم الیکشن سے نہیں، آکشن سے حکومت میں آئے ہیں، 90 روز میں الیکشن نہ کرانا آئین کی خلاف ورزی ہے، 91ویں دن گورنرز کے اوپر آئین کی خلاف ورزی کی سزائیں لاگو ہوجاتی ہیں۔ مہنگائی پر عمران خان کا کہنا تھا کہ ہم ملک میں تاریخ کے زیادہ ڈالرز لے آئے، اس حکومت نے لوگوں کی کمر توڑ دی، ٹیکس کلیکشن کم ہو رہی ہے، حل قرضے نہیں بلکہ ملکی دولت میں اضافہ کرنا ہے، آئی ایم ایف نے ہمیں بھی مہنگائی کرنے کا کہا لیکن ہم نے پاکستان کی دولت بڑھائی۔

پی ٹی آئی چیئرمین نے کہا کہ پاکستان میں سرمایہ کار اپنے پیسےکو محفوظ نہیں سمجھتے، لوگ پاکستان میں پیسا رکھنے کو تیار نہیں، کوئی پاکستان میں سرمایہ کاری کرنا نہیں چاہتا۔ انتخابات کے معاملے پر سابق وزیراعظم کا کہنا تھا کہ ان کی کوشش ہے کہ انتخابات نہ ہوں یا پھر تاخیر سے ہوں، اتنی تاخیرکی جائے گی کہ کوئی انتخابی مہم نہ چلا سکے۔

عمران خان نے کہا کہ 10 ماہ میں بنیادی انسانی حقوق کی سنگین خلاف ورزیاں ہوئیں، شہباز گل کو برہنہ کرکے تشدد کیا گیا، اعظم سواتی کے ساتھ بہت بڑا ظلم ہوا اور پاکستان کے بہترین تحقیقاتی صحافی ارشد شریف کو قتل کیا گیا، میں نے جنرل مشرف کے مارشل لاء میں بھی ایسے مظالم نہیں دیکھے۔ ان کا کہنا تھا کہ یہ سمجھتے ہیں کہ مظالم کر کے لوگوں کو کنٹرول کرلیں گے، 13 فروری کو ملتان میں جھگڑا ہوا، ن لیگ کے کارکنوں کو کچھ نہیں کہا گیا لیکن پی ٹی آئی کارکنان کے گھر پر رات گئے چھاپے مارے گئے اور ان پر تشدد کیا گیا، ایسا ہونے کی صورت میں لوگ اپنی پولیس سے نفرت کریں گے۔

عمران خان نے کہا کہ نگراں حکومت ہمیشہ نیوٹرل ہوتی ہے تاہم آصف زرداری کے بغل بچےکو نگراں وزیر اعلیٰ بنایا گیا، جس نے ہمارے مخالف افسران کو تعینات کیا۔ پارٹی رہنماؤں پر تشدد سے متعلق سابق وزیراعظم کا کہنا تھا کہ علی سائیں کو گرفتار کرکے تشدد کیا گیا، جھوٹا مقدمہ بنایا گیا، ہمارےکارکنوں کو گرفتار کرکے اعظم سواتی پر تشدد کی ویڈیو دکھائی گئی، ان سے کہا گیا کہ عمران خان کے ساتھ بھی ایساہی کریں گے، شہباز گل کو میرے خلاف گواہ بنانا چاہ رہے تھے، یہ کام وہ لوگ کررہے ہیں جنہیں اپنا پیٹ کاٹ کر پالتے ہیں۔

خود پر قاتلانہ حملے کے حوالے سے عمران خان کا کہنا تھا کہ شہباز شریف، رانا ثناء اور ڈرٹی ہیری نے مجھ پر حملہ کرایا، انہوں نے ظاہر کیا کہ حملہ آور ایک اور دینی انتہا پسند تھا، جےآئی ٹی نے ثابت کردیا کہ حملہ آور تین تھے، بعد ازاں نگراں حکومت نےجے آئی ٹی کو کام کرنے سے روک کر ریکارڈ سیز کردیا، اگر یہ تینوں لوگ طاقت میں ہوں گے تو میری جان کو ابھی بھی خطرہ ہے۔

انہوں نے کہا کہ اینٹی کرپشن کا افسر جےآئی ٹی کو رپورٹ نہیں دے رہا، جےآئی ٹی کے 11 صفحات کے علاوہ تمام ریکارڈ غائب ہوگیا، جےآئی ٹی کو صرف 3 افراد سبوتاژ کر سکتے ہیں، لہٰذا اب ہمیں انصاف کی کوئی توقع نہیں ہے۔ آڈیو لیک ہونے کے معاملے پر سابق وزیراعظم کا کہنا تھا کہ رانا ثناء نے اعتراف کیا کہ یہ فون ٹیپ کرتے ہیں، مافیاز فون ٹیپ کرکے بلیک میل کرتے ہیں، میری سکیور لائن اور پرنسپل سیکرٹری سے ذاتی گفتگو کو بھی ریکارڈ کیا گیا، اگر ایسے بلیک میل کیا جائے گا تو ملک میں قانون تو ختم ہوگیا۔

اپنے خطاب میں عمران خان نے کہا کہ جہاں عدالتی احکامات پر عمل نہ ہو وہاں کون سرمایہ کاری کرے گا، ملک میں قانون و انصاف کا نہ ہونا سب سے بڑا کینسر ہے، 26 سال پہلے انصاف کی تحریک کا آغاز کیا تھا، لہٰذا ہم سب کو انصاف کی حکمرانی کے لئے کھڑا ہونا ہوگا۔ جیل بھرو تحریک کے آغاز کا اعلان کرتے ہوئے عمران خان کا کہنا تھا کہ بدھ سے جیل بھرو تحریک شروع کر رہا ہوں، تحریک آغاز لاہور سے کریں گے، بڑے شہروں سے ہر گزرتے دن گرفتاریاں دیں گے، یہ ہمیں جیل سےڈرارہے ہیں،ہم جیلیں بھردیں گے۔