اکبر ایس بابر سچا اور عمران خان جھوٹا ثابت ہوگیا،چوھدری شجاعت

0
63
shujat1

اکبر ایس بابر سچا اور عمران خان جھوٹا ثابت ہوگیا،چوھدری شجاعت
باغی ٹی وی کی رپورٹ کے مطابق الیکشن کمیشن نے فارن فنڈنگ کیس کا فیصلہ سنا دیا ہے

فیصلے پر سیاسی رہنماؤں کی جانب سے ردعمل سامنے آ رہا ہے، ایسے میں مسلم لیگ ق کے سربراہ، سابق وزیراعظم چودھری شجاعت حسین نے بھی سماجی رابطے کی ویب سائٹ ٹویٹر پر ٹویٹ کی اور کہا کہ اکبر ایس بابر سچا اور عمران خان جھوٹا ثابت ہوگیا، یہ صرف ابتدا ہے، 2013 سے 2022 تک کے حقائق ابھی سامنے آنا باقی ہیں جو کہ اس سے کہیں زیادہ بھیانک ہوں گے۔

وفاقی وزیر، پیپلز پارٹی کے رہنما سید خورشید شاہ کا کہنا تھا کہ پی ٹی آئی ممنوعہ فنڈ سے متعلق الیکشن کمیشن کافیصلہ خوش آئند ہے،8 سال سے الیکشن کمیشن نے فیصلہ نہیں دیا اور آخرکارآج دے دیا ہمارا مطالبہ تھا فیصلہ نہیں آتا تو شکوک جنم پائیں گے الیکشن کمیشن کا فیصلہ قانون کے مطابق ہوا پنجاب میں الیکشن سے پہلے ہی دھاندلی کا شور مچنا شروع کر دیا گیا تھا،عمرا ن خان کو پنجاب میں ضمنی انتخابات میں ہارنے کا خوف تھا،عمران خا ن نے فنڈنگ کے معاملے میں غلط بیانی سے کام لیا،سیاست میں سیاستدان کو غلط بیانی سے کام نہیں لینا چاہیے ،سچ راستہ دیتا ہے،موجودہ حالات کا سب کو اندازہ ہے الیکشن کمیشن نے فیصلہ دیا اب اس معاملے کووفاقی کابینہ میں زیر بحث لائیں، مہنگائی سب کے سامنے ہے ،ڈالر کہاں پہنچ گیا امتحان آگیا کون فیل اور کون پاس ہوتا ہے، ہمارا ریکارڈ آپ کے پاس ہے وہی کریں جو قانون کہتا ہے،

وفاقی وزیر پیپلز پارٹی کے رہنما قمر زمان کائرہ کا کہنا تھا کہ جب سے فیصلہ آیا ہے مختلف آرا آپ کے سامنے آرہی ہیں، عمران خان کو علم تھا اس لیے کیس پر دسیوں اسٹے لیے عمران خان نے گزشتہ روز کہا اب ہم الیکشن کمیشن کے باہر احتجاج کریں گے،

قبل ازیں وفاقی وزیرشازیہ مری نے کہا عمران خان جس ایجنڈے پر سیاست کررہا تھا یا اسکی فنڈنگ پربھی سوال اٹھتے ہیں ای سی پی کے فیصلے کے نتیجے میں جو کچھ عمران خان پر ثابت ہوچکا ہے وہ عوام کے سامنے ہے، الیکشن کمیشن نے عمران خان کو جھوٹا قرار دیا ہے،

ن لیگی رہنما عظمیٰ بخاری نے ٹویٹ کرتے ہوئے کہا کہ پروپیگنڈہ سیل جھوٹ بول رہا ہے کہ معاملہ چند لاکھ روپے کا ہے ،ریکارڈ کے مطابق 51لاکھ بائیس ہزار امریکی ڈالر(1200کروڑ)پاکستانی روپے ،7 لاکھ باون ہزار پاؤنڈ (30کروڑ) پاکستانی روپے،اور ساڑھے 21 کروڑ پاکستانی روپے ،ٹوٹل 1.7ارب کی فارن فنڈنگ

ن لیگی رہنما وفاقی وزیر خرم دستگیر نے کہا کہ جو جماعت شفافیت کا دعوٰی کرتی تھی وہ دشمن ممالک کے شہریوں کے گند میں لتھڑی پڑی ہے، یہ ننگے وطن اور ننگے دین ہیں۔

چیئرمین پاکستان پیپلزپارٹی بلاول بھٹو زرداری کے ترجمان ذوالفقار علی بدر نے فارن فنڈنگ کیس کے فیصلے پرردعمل میں کہا ہے کہ عمران پاکستان تحریک انصاف کو بھی شوکت خانم سمجھ کر چلا رہے تھے.جس طرح خیرات پر شوکت خانم ہسپتال خیرات پر چل رہا ایسے ہی تحریک انصاف بھی خیرات پر چل رہی تھی۔ بلآخر ثابت ہوگیا کہ عمران خان ایک کرپٹ آدمی ہے۔الیکشن کمیشن نے عمران خان کو سرٹیفائیڈ چور ڈکلیئر کر دیا ہے۔عمران خان الیکشن کمیشن کے فیصلہ سے اپنے منطقی انجام کو پہنچے اور کرپٹ ثابت ہوئے.عمران خان سے اس کا حساب لینا چاہئے کہ اس کے گھر کا کچن کون چلاتا ہے۔عمران خان کا ذریعے معاش تو کوئی ہے نہیں توبنی گالہ کہ خرچہ کون چلاتا ہے۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

Leave a reply