بورے والا : موٹر سائیکل چوری اور دیگر وارداتوں میں ملوث گینگ گرفتار

0
49

بورے والا (نمائندہ باغی ٹی وی) پولیس تھانہ ماڈل ٹاون اور تھانہ سٹی کی بڑی کاروائی ، موٹر سائیکل چوری کرنے والا محمود عرف مودا گینگ گرفتار ، مسرقہ مال بھی برآمد اے ایس پی ایس ڈی پی او بورےوالا عزیر احمد کی پریس ریلیز

تفصیلات کے مطابق اے ایس پی بورےوالا عزیر احمد نے تھانہ سٹی بورےوالا میں پریس ریلیز میں بتایا کہ تھانہ ماڈل ٹاون اور تھانہ سٹی کی حدود میں گھروں دوکانوں اور دیگر تجارتی مراکز اور بازاروں سے آئے روز موٹر سائیکل چوری کی وارداتوں نے شہریوں کو پریشان کر رکھا تھا۔جس پر ڈی پی او وہاڑی احسان اللہ چوہان اور اے ایس پی بورےوالا عزیر احمد نے نوٹس لے کر ایس ایچ او تھانہ ماڈل ٹاون میاں شمعون جوئیہ اور ایس ایچ او تھانہ سٹی رانا اکرم کو موٹر سائیکل چور گینگ پکڑنے کا ٹاسک دیا جس پر ان دونوں ایس ایچ اوز نے اپنی ٹیم کے ہمراہ رات دن کی محنت کے بعد موٹر سائیکل چور گینگ جو تین ارکان پر مشتمل جن میں محمد صفدر ولد محمد اقبال قوم راجپوت سکنہ 429 ای بی ، محمد وقاص ولد محمد حنیف قوم جٹ سکنہ 429 ای بی ، محمود حسین ولد محمد حسین قوم جوئیہ نائی سکنہ 429 ای بی بورےوالا تھا جو شہر کے مختلف مقامات سے موٹر سائیکل چوری کرتے تھے

پولیس نے ان کے قبضہ سے چوری ہونے والے 20 لاکھ مالیت کے 27 موٹر سائیکل برآمد کر لئے اور ان کے اصل مالکان کے حوالے کر دیئے ہیں۔ پولیس کی اس کاروائی پر شہریوں نے ڈی پی او وہاڑی احسان اللہ چوہان اور اے ایس پی بورےوالا عزیر احمد اور ان کی پوری ٹیم کو خراج تحسین پیش کیا ہے۔۔۔

Leave a reply