علامہ اقبال اوپن یونیورسٹی فیصل آباد کیمپس کے زیراہتمام کشمیریوں سے اظہار یکجہتی کے لئے واک

علامہ اقبال اوپن یونیورسٹی فیصل آباد کیمپس کے زیراہتمام کشمیریوں سے اظہار یکجہتی کے لئے واک منعقد ہوئی۔واک کی قیادت ریجنل ڈائریکٹر پروفیسر ڈاکٹر عبید اسلم اوراسسٹنٹ ڈائریکٹر صائمہ ارم نے کی۔واک میں یونیورسٹی سٹاف ودیگر افراد کی کثیر تعدادکشمیری بھائیوں سے اظہار یکجہتی کے لیے سڑکوں پرآگئی۔اس موقع پر کشمیر ہمارا ہے سارے کا سارا ہے کے نعرے بھی لگائے گئے۔ڈاکٹر عبید اسلم نے کہا کہ پاکستانی قوم اپنے کشمیری بھائیوں کو مصیبت کی اس گھڑی میں تنہا نہیں چھوڑے گی۔انہوں نے کہا کہ کشمیر کی آزادی کے لئے پاکستان کا ہر شہری کٹ مرنے کو تیار ہے اورشہدائے کشمیر کی قربانیاں رائیگاں نہیں جائیں گی۔انہوں نے کہا کہ پاکستان کشمیر کے لیے کسی بھی حد تک جائے گا۔صائمہ ارم نے کہاکہ کشمیری بھائیوں سے محبت ہمارے دلوں سے کبھی کم نہیں ہوگی،سیکولر بھارت کا بدنما چہرہ دنیا کے سامنے آگئی ہے۔انہوں نے کہا کہ پاکستان ہر محاذ پر کشمیریوں کے حقوق کے لیے آواز اٹھاتا رہے گا۔