فراہ صوبے کی پولیس کمانڈ نے تصدیق کی ہے کہ گزشتہ شب ایرانی سرحدی محافظوں کی فائرنگ سے 10 افغان نوجوان جاں بحق ہو گئے۔
یہ واقعہ اُس وقت پیش آیا جب یہ افراد غیر قانونی طور پر ایران میں داخل ہونے کی کوشش کر رہے تھے۔پولیس کے مطابق، جاں بحق ہونے والے تمام افراد فراہ صوبے کے رہائشی تھے اور روزگار کی تلاش میں ایران جا رہے تھے۔ انہوں نے "میل-78” نامی سرحدی مقام سے ایرانی حدود میں داخل ہونے کی کوشش کی، جہاں ایرانی بارڈر گارڈز نے انہیں نشانہ بنایا۔واقعے کی خبر سامنے آنے کے بعد علاقے میں غم و غصے کی لہر دوڑ گئی ہے۔ مقامی ذرائع کا کہنا ہے کہ سرحد پار کرنے والے نوجوان غربت اور بے روزگاری سے تنگ آ کر بہتر مستقبل کی تلاش میں نکلے تھے۔
افغان حکام نے ایرانی حکومت سے اس واقعے کی شفاف تحقیقات اور ذمہ داران کے خلاف کارروائی کا مطالبہ کیا ہے۔ انسانی حقوق کی تنظیموں نے بھی واقعے پر شدید تشویش کا اظہار کرتے ہوئے اسے بین الاقوامی قوانین کی خلاف ورزی قرار دیا ہے
تاجکستان کا افغان سرحد کی مشترکہ نگرانی کے لیے روس سے فوجی تعاون پر غور
شمالی وزیرستان میں سیکیورٹی فورسز کی کارروائیاں، سات دہشت گرد ہلاک
افغانستان میں طالبان دھڑوں کی خانہ جنگی،خطے میں نیا بحران
