بنگلہ دیش میں انسدادِ بدعنوانی حکام نے سابق وزیراعظم شیخ حسینہ واجد کے بینک لاکرز سے تقریباً 10 کلوگرام سونا ضبط کرلیا، جس کی مالیت اندازاً 13 لاکھ ڈالر بتائی جا رہی ہے۔
نیشنل بورڈ آف ریونیو کے سینٹرل انٹیلی جنس سیل (سی آئی سی) کے مطابق سونا ان لاکرز سے ملا جو گزشتہ ستمبر میں ضبط کیے گئے تھے اور حالیہ عدالتی حکم پر کھولے گئے۔ ایک سینئر اہلکار کے مطابق لاکرز سے مجموعی طور پر 9.7 کلوگرام سونا برآمد ہوا، جس میں سونے کی اینٹیں، سکے اور زیورات شامل ہیں۔تحقیقاتی اداروں کا کہنا ہے کہ شیخ حسینہ نے وزارتِ عظمیٰ کے دوران ملنے والے کچھ قیمتی تحائف سرکاری ’’توشہ خانہ‘‘ میں جمع نہیں کروائے، جو قانونی طور پر ضروری تھا۔ نیشنل بورڈ آف ریونیو یہ بھی جانچ رہا ہے کہ آیا یہ اثاثے ان کے ٹیکس گوشواروں میں ظاہر کیے گئے تھے یا نہیں۔
یاد رہے کہ حسینہ واجد کی حکومت کے خاتمے کے بعد ملک میں سیاسی بے چینی جاری ہے، جبکہ فروری 2026 کے عام انتخابات کی تیاریاں بھی غیر یقینی صورتحال کا شکار ہیں۔ اس ماہ کے آغاز میں انٹرنیشنل کرائمز ٹربیونل نے طلبہ احتجاج پر مبینہ سخت کارروائی کے الزام میں سابق وزیراعظم کو موت کی سزا سنائی تھی۔اقوامِ متحدہ کے مطابق اس کریک ڈاؤن میں تقریباً 1400 افراد ہلاک ہوئے تھے، جب کہ شیخ حسینہ اقتدار برقرار رکھنے کی کوشش کر رہی تھیں
پاکستان و سعودی عرب کی انسدادِ دہشت گردی فوجی مشق البطار-II مکمل
