کراچی کے علاقے اورنگی ٹاؤن میں رینجرز اور پولیس نے مشترکہ کارروائی کرتے ہوئے 3 ملزمان کو گرفتار کرلیا-
باغی ٹی وی : ترجمان رینجرز کے مطابق ملزمان ریکی کرکے بینک آنے جانے والےکاروباری افراد کو لوٹتے تھے، ملزمان موٹرسائیکلیں چوری کرکے بلوچستان کے علاقے چیکو باغ میں فروخت کرتے تھے ملزمان نے 100 سے زائد ڈکیتی اور اسٹریٹ کرائم کی وارداتوں کا اعتراف کیا ہے، ملزمان نے 150 سے زائد موبائل فونز اور 5لاکھ روپے سے زائد نقدی لوٹنےکا بھی اعتراف کیا ہے۔
عثمان بزدار کے فرنٹ مین کے اخبار کا ریکارڈ بھی طلب کرلیا گیا
ترجمان رینجرز کے مطابق ملزمان میں حکمت اللہ، ظاہرشاہ اور عبدالرشید شامل ہیں، ملزمان منشیات فروشی میں بھی ملوث ہیں، ملزمان کے دیگر ساتھیوں کی گرفتاری کے لیے چھاپے مارے جا رہے ہیں۔
قبل ازیں لیاری کے علاقے بریگیڈ اے بی سینالین میں بچوں کی لڑائی میں بڑے کود پڑےجس کےنتیجے میں فائرنگ سے زخمی ایک شخص جاں بحق ہوگیاپولیس کے مطابق بریگیڈ اے بی سینالین میں پڑوسیوں میں جھگڑے کے دوران پولیس اہلکارعمران کی فائرنگ سے 44 سالہ شیر محمد زخمی ہونے ہوگیا تھا جس سے طبی امداد کے لیے فوری طور پر جناح اسپتال منتقل کردیا گیا شیر محمد دوران علاج زخموں کی تاب نہ لاتے ہوئے دم توڑ دیا جبکہ پولیس نے ضابطے کی کارروائی کے بعد لاش ورثا کے حوالے کردی۔
ٹھٹھہ:جنگشاہی پولیس چوکی انچارج کی کارروائیاں
دوسری جانب ایس ایچ او بریگیڈ آغا معشوق نے بتایا کہ فائرنگ عمران نامی پولیس اہلکار نے کی تھی جو کہ موقع سے فرار ہوگیا ہے جبکہ دونوں پڑوسی ہیں اور ابتدائی طور پر معلوم ہوا ہے کہ بچوں میں لڑائی اور کچرا پھینکنے پر کوئی جھگڑا ہوا تھا فائرنگ کرنے والے اہلکار کی گرفتاری کے لیے کوششیں جاری ہیں۔
