ڈیرہ غازی خان :12طلباء نے کیڈٹ کالج عیسیٰ خیل میانوالی کا تحریری امتحان پاس کرلیا

ڈیرہ غازی خان (نامہ نگار)ڈیرہ غازی خان دورافتتادہ ضرورہے مگر یہاں کی مٹی بڑی ذرخیز ہے ہمارا ہر بچہ ذہنی صلاحیتوں سے مالامال ہے انہیں بس مواقع فراہم کرنے کی ضرورت ہے یہ بات پرنسپل نیو مثالی کیڈٹ سکول کے پرنسپل سہیل خان جونیجونے کہا کہ مثالی سکول کا ہر فرد پڑھو مثالی بنو مثالی کے معقولہ کو اپنانصب العین بنائے ہوئے ہے اور یہی وجہ ہے کہ سابقہ روایات کو برقرار رکھتے ہوئے اس سال بھی ادارے کے 12ہونہار درخشندہ ستاروں نے کیڈٹ کالج عیسیٰ خیل میانوالی کا تحریری امتحان پاس کیاجس میں ملک بھر سے کیڈٹ سکول کے طلبہ لیتے ہیں اور الحمد اللہ مثالی سکول کے 12بچوں نے امتحان پاس کرکے یہ ثابت کر دیا کہ ڈی جی خان میں ذہین طلبہ و طالبات کی کمی نہیں بس انہیں بہترین مواقع اور پرکھنے والا ہو ۔ ان خیالات کا اظہار انہوں نے میڈیا سے گفتگوکرتے ہوئے انہوںنے کہاکہ پورے ڈیرہ غازی خان میں کوئی ادارہ ایسا نہیں جو مثالی سکول کی طرح نیشنل لیول کے تعلیمی مقابلہ جات میں حصہ لیتا ہو انہوںنے تمام کامیاب طلبہ اور انکے والدین کو مبارک دیتے ہوئے طلبہ کے نیک اور ترقی پذیر مستقبل کے لیے خصوصی دعا کی ۔ آخرمیں سٹاف ممبران اور طلبہ کے والدین میں مٹھائی بھی تقسیم کی گئی اور کامیاب طلبہ کومیڈل بھی پہنائے گئے