13سالہ بچےسےنازیباحرکات کرنےوالی خاتون گرفتار
امریکی ریاست فلوریڈا کی رہائشی 26 سالہ خاتون کو اپنے سے آدھی عمر کے بچے کو لبھا کر جنسی عمل میں ملوث کرنے پر گرفتار کرلیا گیا۔
غیر ملکی خبر رساں ایجنسی کے مطابق شیرف آفس کے مطابق فلوریڈا کی ایک خاتون کو مبینہ طور پر ایک 13 سالہ بچے کے ساتھ جنسی فعل میں ملوث ہونے کے بعد گرفتار کیا گیا۔ پام کوسٹ کے علاقے کی رہائشی 26 سالہ اینجل سیکسٹن فحش اور فحاشی پھیلانے اور ترغیب دینے کے الزام میں گرفتار کرکے کریکشن سنٹر منتقل کردیا گیا۔فلیگلر کاؤنٹی شیرف کے مطابق 13 سالہ بچہ کرسمس کی چھٹیوں میں پام بیچ فلوریڈا آیا تھا جہاں وہ سیکسٹن کے ہتھے چڑھ گیا۔
سیکسٹن نے بچے کو لبھانے کے لئے اسے ٹیکسٹ پیغامات ارسال کئے اور اسے نازیبا حرکات کرتے ہوئے تصاویر بھی بھیجتی رہی۔سیکسٹن نے بچے سے کہا کہ وہ اس کی محبت میں اپنے شوہر کو چھوڑنے کاارادہ رکھتی ہے۔اس نے بچے کو اپنے گھر مدعو کرکے تنہائی میں اس سے نازیبا حرکات کی اور اسے جنسی افعال پر مجبور کیا۔تعطیلات گزار کر اپنے گھر جانے کے بعد بھی سیکسٹن نے بچے سے رابطہ جاری رکھا اور اسے ملاقاتوں پر مجبور کرتی رہی۔
ہائی وے اتھارٹی کا ایم ٹیگ پر مکمل عملدرآمد کا آغاز
کراچی، یخ بستہ ہوائوں سے موسم سرد ہوگیا
