لاہور: 14 سالہ کار سوار نے چنگ چی رکشے کو ٹکر مار دی جس کے باعث چار افراد شدید زخمی ہوگئے،زخمیوں کو طبی امداد کے لئے اسپتال منتقل کر دیا گیا-
باغی ٹی وی : تفصیلات کے مطابق لاہور میں کم عمر ڈرائیونگ ایک اور حادثے کا سبب بن گئی،کالج روڈ بٹ چوک کے قریب 14 سالہ کار سوار ابراہیم نے تیز رفتاری کے باعث چنگی چی رکشہ کو ٹکر مار دی حادثے میں چار افراد زخمی ہو گئے اور کار سوار کا بازو بھی فریکچر ہوا، ریسکیو نے حادثے کی جگہ پر پہنچ کر زخمیوں کو ابتدائی طبی امداد کے بعد جناح اسپتال منتقل کر دیا،زخمیوں میں 17 سالہ کاشی، 29 سالہ فاطمہ اور 55 سالہ غفوراں بی بی شامل ہیں، جبکہ دونوں زخمی خواتین کی حالت تشویشناک ہے۔
مجھے بھی پیاس کے صحرا میں بھٹکایا گیا ہے
واضح رہے کہ اس سے قبل بھی لاہور کے علاقے ڈیفنس میں کم عمر کار سوار کی تیز رفتاری کے باعث گاڑی کو ٹکر مار دی تھی جس کے باعث ایک ہی خاندان کے 6 افراد ہلاک ہو گئے تھے،جس کے بعد لاہور انتظامیہ نے کم عمر کار سواروں کے خلاف کریک ڈاؤن کیا اور دوران سفر ڈرائیونگ لائسنس ضروری قرار دیا جبکہ سی ٹی او لاہور کا کہنا تھا کہ بغیر لائسنس گاڑی اور موٹرسائیکل چلانے والے کسی رعایت کے مستحق نہیں، کم عمر بچوں کو گاڑی و موٹرسائیکل دینے والے بھی کسی معافی کے مستحق نہیں ہیں-
