وزیراعلیٰ سندھ سید مراد علی شاہ کی ہدایت پر قصر ناز کراچی میں 150 سالہ قدیم برگد کے درخت کی بحالی مکمل کر دی گئی ہے۔
کراچی میں حالیہ بارشوں میں تیز ہواؤں کے باعث قصر ناز میں برگد کا قدیم درخت گرگیا تھا، وزیراعلیٰ سندھ کی ہدایت پر 2 دن سے جاری ریسکیو آپریشن کامیابی سے مکمل کرکے درخت کو دوبارہ لگادیا گیا ہے اور 150 سالہ قدیم درخت نے زندگی کا نیا سفر شروع کردیا ہے۔
محکمہ جنگلات سندھ کی رپورٹ کے مطابق درخت کی جڑوں کو فنگس اور دیمک سے نقصان پہنچا تھا، بھاری درخت کو کرین کے ذریعے نزدیکی مقام پر منتقل کیا گیا، ریسکیو آپریشن میں نیم اور کامنی کے درخت بھی محفوظ کرکے دوبارہ نزدیکی مقامات پر لگائے گئے۔
بڑی طاقتوں کیلئے جنگیں مشغلہ بن گئیں،زندگی مہنگی،موت سستی کیوں؟تجزیہ:شہزاد قریشی
وزیر اعلی سندھ مراد علی شاہ نے نوجوانوں کو پیغام دیا کہ تاریخی درختوں کی اہمیت اور ان کی حفاظت کے لیے کوشاں رہیں،برگد کے قدیم درخت کی بحالی موسمیاتی حوالے سے اہم پیش رفت ہے،یہ ماضی و حال کے تعلق کی علامت ہے،وزیر اعلیٰ نے محکمہ جنگلات سندھ ریسکیو ٹیم کی کاوشوں کو سراہا۔
مون سون کا موجودہ دباؤ 10 ستمبر تک رہے گا، این ڈی ایم اے
