باغی ٹی وی کی رپورٹ کے مطابق ملائشیا کے وزیراعظم مہاتیر محمد نے استعفیٰ دے دیا،
94 سالہ مہاتیر محمد نے اپنا استعفیٰ ملائیشن بادشاہ کو پیش کر دیا،غیر ملکی خبر رساں ادارے رائٹرز کے مطابق مہاتیر محمد نے ملک میں سیاسی گرما گرمی اور اتحادی جماعت عوامی انصاف پارٹی کے سربراہ سے اختلافات کے بعد عہدے سے استعفیٰ دینے کا اعلان کیا۔
دوسری جانب عرب میڈیا کا کہنا ہے کہ مہاتیر محمد کی جماعت ملک میں نئی حکومت کی تشکیل کے لئے پروگرام بنا رہی ہے اور اس حوالہ سے متعدد اجلاس ہوئے ہیں،جس میں منصوبہ بندی کی گئی مہاتیر محمد کا استعفیٰ نئی حکومت کے قیام کی کڑی ہے جس میں انور ابراہیم کو شامل نہیں کیا جائے گا۔
عرب میڈیا کے مطابق مہاتیر محمد اور انور ابراہیم کے مابین اختلافات گزشتہ ہفتے سے بہت زیادہ ہو گئے تھے جس کی وجہ سے ملائیشین وزیراعظم مہاتیر محمد نے عہدے سے استعفیٰ دیا
مہاتیر محمد اور انور ابراہیم نے مئی 2018 کے انتخابات میں اتحاد کے ساتھ الیکشن لڑا تھا اور ملک میں 60 سال سے برسرار اقتدار جماعت کا خاتمہ کردیا تھا تاہم مہاتیر محمد اور انور ابراہیم کے درمیان کشیدگی میں گزشتہ ماہ بڑھی جب ملائیشین وزیراعظم نے طے شدہ وقت میں اختیارات انور ابراہیم کو سونپنے سے انکار کردیا۔
مہاتیر محمد کے استعفیٰ کے حوالہ سے انکی پارٹی کے ترجمان نے کہ ان کی پارٹی مستقبل میں بھی ان کی حمایت کرے گی
